કોરોના વાયરસને કારણે થિયેટરો બંધ હોવાથી ફિલ્મમેકર્સને મોટું નુકસાન ભોગવવું પડ્યું છે. જેથી હવે પ્રોડ્યૂસર્સ ઓટીટી પ્લેટફોર્મ પર ફિલ્મ રિલીઝ કરવા તૈયાર થઈ ગયા છે. ત્યારે હવે ડિઝની હોટસ્ટાર હવે સિનેમાઘર બનવા જઈ રહ્યું છે. બોલિવૂડની 8 મોટી ફિલ્મો હવે થિયેટરમાં રિલીઝ ન થઈને અહીં રિલીઝ થશે. તેમાં અક્ષય કુમાર, આલિયા ભટ્ટ, અજય દેવગન અને અભિષેક બચ્ચન જેવા મોટા સ્ટાર્સની ફિલ્મો સામેલ છે.
કોરોના વાયરસને કારણે થિયેટરો બંધ હોવાથી ફિલ્મમેકર્સને થયું મોટું નુકસાન
બોલિવૂડની 8 મોટી ફિલ્મો હવે ઓટીટી પ્લેટફોર્મ પર રિલીઝ થશે
અક્ષય કુમાર, આલિયા ભટ્ટ, અજય દેવગન જેવા સ્ટાર્સની ફિલ્મો હોટસ્ટાર પર આવશે
ઘણાં દિવસોથી અક્ષય કુમારની ફિલ્મ લક્ષ્મી બોમ્બ ડિજિટલ પ્લેટફોર્મ પર રિલીઝ થવાની ચર્ચા છે. આ હોરર કોમેડી ફિલ્મમાં અક્ષયની સાથે કિઆરા અડવાણી, શરદ કેલકર જેવા કલાકારો છે. ફિલ્મ તામિલ સુપરહિટ કંચનાની રીમેક છે. રાઘવ લોરેન્સના ડિરેક્શનમાં બનેલી આ ફિલ્મ પહેલા 22મેના રોજ રિલીઝ થવાની હતી.
અભિષેક બચ્ચનની આ ફિલ્મ હકીકતમાં પ્રખ્યાત સ્ટોક બ્રોકર હર્ષદ મેહતાની કહાની પર આધારિત છે. ફિલ્મમાં અભિષેકની સાથે ઈલિયાના ડિક્રૂઝ અને નિકિતા દત્તા પણ છે.
સડક 2
આ ફિલ્મથી મહેશ ભટ્ટ લાંબા સમય પછી ડિરેક્શનમાં કમબેક કરી રહ્યાં છે. આ ફિલ્મ મહેશ ભટ્ટની સુપરહિટ ફિલ્મ સડકની સિક્વલ છે. આ ફિલ્મમાં સંજય દત્ત અને પૂજા ભટ્ટ સિવાય આલિયા ભટ્ટ અને આદિત્ય રોય કપૂરની જોડી પણ જોવા મળશે.
આ ફિલ્મમાં સની કૌશન અને રાધિકા મદાનની જોડી જોવા મળશે. સાથે જ આમાં મોહિત રૈના અને ડાયના પેન્ટી જેવા કલાકારો પણ છે. આ ફિલ્મ કુણાલ દેશમુખે બનાવી છે.
મિમી
કૃતિ સેનનની આ ફિલ્મમાં તે એક સરોગેટ માતાની ભૂમિકામાં જોવા મળશે. તે ઉપરાંત ફિલ્મમાં પંકજ ત્રિપાઠી, મનોજ પાહવા અને સુપ્રિયા પાઠક જેવા એક્ટર્સ પણ મહત્વના રોલમાં જોવા મળશે.