સુરતના ઉધના વિસ્તારમાં ગઈ કાલે ભંગારની દુકાન સામે જાહેરમાં બે લોકો ફાયરિંગ કરી ફરાર થઇ ગયા હતા. ઘટનાને પગલે પોલીસ ફરિયાદ નોંધાતા પોલીસે આરોપીની બાતમીના આધારે ધરપકડ કરી હતી.
સુરતના ઉધનામાં ફાયરીંગની ઘટના
ભંગારના ગોડાઉન માલિક પર કર્યુ ફાયરિંગ
પોલીસ ધરપકડ કરી આગળની કાર્યવાહિ હાથ ધરી
સુરત મા લૂંટ ફાટ મારા મારી જેવી અનેક ઘટનાઓ સતત બનતી રહે છે. તેવામાં સુરતના ઉધના વિસ્તારમાં ફાયરિંગની ઘટના બની હતી. જેમાં બે બાઈક સવાર આવી અને જાહેરમાં ભંગારના ગોડાઉન માલિક જાવેદ નામના ઈસમ પર ફાયરિંગ કર્યું હતું અને ત્યાંથી ફરાર થઇ ગયા હતા. મહત્વની વાત છે કે આ ફાયરિંગની ઘટનામાં સદનસીબે કોઈ જાનહાની થઈ ના હતી. જો કે ફાયરિંગ જેવી ઘટના જાહેરમાં થતા જ આસપાસના વિસ્તારના લોકો ડરી ગયા જેથી ઘટનાને પગલે તાત્કાલિક પોલીસને જાણ કરવામાં આવી હતી જેથી પોલીસે બે અજાણ્યા ઈસમો સામે ગુનો નોંધી શોધખોળ હાથ ધરી હતી. આ શોધખોળમા સુરતની ઉધના પોલીસ તેમજ સાથે સાથે ક્રાઈમ બ્રાન્ચ પોલીસ પણ જોતરાઈ હતી. અને બાતમીના આધારે ક્રાઈમ બ્રાન્ચ પોલીસે આરોપીને ઝડપી પાડયા હતા.
આરોપીઓએ પોલીસની ગાડીને ટક્કર મારી
સુરત ક્રાઇમ બ્રાન્ચને બાતમી મળી હતી કે ફાયરિંગ કરનારા બે લોકો સ્પોર્ટ્સ બાઈક સાથે ભીમરાડ ચેક પોસ્ટ પાસે ઉભા છે.. જેથી તાત્કાલિક ક્રાઈમ બ્રાન્ચ પોલીસની ટીમ ત્યાં રવાના થઈ હતી. જેવા આરોપીઓ પોલીસને જોઈ ગયા એવી તુરંત બાઈક ભગાવી હતી અને ફિલ્મી સીન સર્જાયા હતા. જેમાં બાઈક સવાર આરોપીઓ દ્વારા પોલીસની કાર સાથે ટક્કર મારી હતી ટક્કર એટલી જોરદાર મારી હતી કે પોલીસની કારની એર બેગ પણ બહાર આવી ગઈ હતી અને કારના બોનેટને ખાસ્સું એવું નુકશાન પહોંચ્યું હતું. જો કે આ ટક્કરમાં ફાયરિંગ કરનાર આરોપીઓ પણ નીચે પટકાયા હતા. જેથી તેમને પણ ઇજા થઇ હતી. ટક્કર બાદ પોલીસે ફાયરિંગ કરનાર સંજય ઉર્ફે સંજુ રમેશ તિવારી અને એક બાળ કિશોર આ બંનેને 2 લોડેડ પિસ્ટલ તેમજ સાત કારતુસ સાથે ઝડપી પાડી ક્રાઇમ બ્રાન્ચ પોલીસ મથક ખાતે લાવવામાં આવ્યા હતા.
પોલીસ ધરપકડ કરી આગળની કાર્યવાહિ હાથ ધરી
જે દરમ્યાન પોલીસે બંનેની પૂછપરછ કરતા જણાવ્યું હતું કે પિસ્ટલ અને કારતુસ ભાવેશ ઉર્ફે લાલો રામુ મેરે એક વકીલ ને મારવા માટે સોપારી આપી હતી અને નવસારી ખાતે રહેતા વકીલને મારી નાખવા માટે પિસ્ટલ તેમજ કારતુસ આપ્યા હતા. જેથી પોલીસે ભાવેશ ઉર્ફે લાલો રામુ મેરની પણ ધરપકડ કરી હતી. સંજય તેમજ બાળ કિશોરને પિસ્ટલ આપ્યા બાદ તેમણે પોતાની અંગત અદાવત જાવીદ પર ફાયરિંગ કરી તેની હત્યા કરી નાખવાની યોજના બનાવી હતી. જેથી પોલીસે ફાયરિંગ કરનાર એક બાળ કિશોર તેમજ સંજય ઉર્ફે સંજુ રમેશ તિવારી તેમજ પિસ્ટલ આપનાર ભાવેશ ઉર્ફે લાલો રામુ મેરની ધરપકડ કરી વધુ તપાસ હાથ ધરી છે.