સિદ્ધુ મૂસેવાલાની હત્યા જેનાં ઇશારા પર કરવામાં આવી, તે લોરેન્સ બિશ્નોઈએ સલમાન ખાનને પણ મારવાની ધમકી આપી હતી . જાણો વિગતવાર
ગેંગસ્ટર લોરેન્સ બિશ્નોઈનાં ઇશારા પર કરવામાં આવી સિદ્ધુ મૂસેવાલાની હત્યા
સલમાન ખાનને પણ આપી હતી હત્યાની ધમકી
સલમાન ખાનનો કાળા હરણનો મામલો છે આ પાછળનું કારણ
ગેંગસ્ટર લોરેન્સ બિશ્નોઈનાં ઇશારા પર કરવામાં આવી સિદ્ધુ મૂસેવાલાની હત્યા
પંજાબી સિંગર સિદ્ધુ મૂસેવાલાની હત્યાએ આખા દેશને સ્તબ્ધ કરી મુક્યો છે. સિદ્ધુ મૂસેવાલાનાં હત્યાનું ષડયંત્ર ગેંગસ્ટર લોરેન્સ બિશ્નોઈ અને ગોલ્ડી બરાડે કર્યું હતું. 29 મેના રોજ સિદ્ધુની નિર્દયતાથી હત્યા કરવામાં આવી. આ સાથે જ મ્યૂઝિક ઇન્ડસ્ટ્રીએ એક ચમકતા સ્ટાર અને એક માંએ પોતાનાં પુત્રને ગુમાવ્યો છે. પરંતુ શું તમે જાણો છો કે સિદ્ધુ મૂસેવાલાની સોપારી આપનાર ગેંગસ્ટર લોરેન્સ બિશ્નોઈ કોણ છે?
સલમાનને આપી હતી લોરેન્સ બિશ્નોઈએ મારવાની ધમકી
જાણીને તમને નવાઈ લાગશે કે આ એ જ ગેંગસ્ટર છે, જેણે એક સમયે બોલિવુડનાં દબંગ સલમાન ખાનને મારવાની ધમકી આપી હતી. વર્ષ 2018માં લોરેન્સ બિશ્નોઈએ જેલથી સલમાન ખાનને મારવાની ધમકી આપી હતી. આ પાછળનું કારણ છે સલમાન ખાનનો કાળા હરણનો મામલો કેમકે લોરેન્સ બિશ્નોઈ સમાજથી છે. એટલા માટે જ્યારે સલમાન ખાનને કાળા હરણ શિકાર મામલામાં આરોપી બનાવવામાં આવ્યો હતો, તો લોરેન્સ ઘણો નારાજ હતો.
સલમાન ખાનને મારવાની લોરેન્સ બિશ્નોઈ ગ્રુપે પ્લાનિંગ પણ કરી હતી. ફિલ્મ રેડીનાં શુટિંગ સમયે સલમાન ખાન પર એટેકનો પ્લાન કરવામાં આવ્યો હતો. પરંતુ લોરેન્સ બિશ્નોઈને ત્યારે પોતાની પસંદનું હથિયાર ન મળ્યું એટલા માટે હત્યાની પ્લાનિંગ પૂરી થઇ નહીં.
જેલમાંથી ઓપરેટ કરતો હતો લોરેન્સ બિશ્નોઈ
લોરેન્સ બિશ્નોઈ દિલ્હીની તિહાર જેલમાં કેદ છે અને ત્યાંથી જ ઓપરેટ કરે છે. વોટ્સઅપનાં માધ્યમથી આ બધું કામ ચાલે છે. ફરી ફેસબુક પર પોતાના દોષ કબૂલ પણ કરે છે. આ ગેંગનું નેટવર્ક આખા દેશમાં ફેલાયેલ છે. આ ગેંગનાં મેમ્બર્સની સંખ્યા 700 કર્તા પણ વધારે છે. લોરેન્સ બિશ્નોઈ અને ગોલ્ડી બરાડ સાથે કામ કરે છે. સમાચાર છે કે લોરેન્સ બિશ્નોઈએ જેલથી પોતાના ગેંગસ્ટર ફ્રેન્ડ ગોલ્ડી બરાડ સાથે વાત કરીને સિદ્ધુ મૂસેવાલાની હત્યાનું ષડયંત્ર રચ્યું હતું.
સિદ્ધુ મૂસેવાલા પર 30 રાઉન્ડ ફાયરિંગ
29 મેનાં રોજ લોરેન્સ બિશ્નોઈ અને ગોલ્ડી બરાડનાં ઇશારા પર સિદ્ધુ મૂસેવાલા પર દિવસે 30 રાઉન્ડ ફાયરિંગ કરવામાં આવી. જેલમાં જ આ ષડયંત્ર ઘડવામાં આવ્યું હતું. લોરેન્સ બિશ્નોઈ ગેંગ તરફથી સતત સિદ્ધુને ધમકીઓ મળી રહી હતી. પોલીસે આ કેસમાં એક આરોપી શાહરૂખને અરેસ્ટ કર્યો છે. શાહરૂખે પોલીસ દ્વારા પુછપરછમાં ગેંગસ્ટર ગોલ્ડી બરાડ અને લોરેન્સ બિશ્નોઈનું નામ લીધું છે. પુછપરછમાં કુલ 8 નામ સામે આવ્યા છે. હવે જોવાનું એ થશે કે આ કેસમાં કઈ કઈ નવી અપડેટ્સ આવે છે.