સલમાન ખાનની હત્યાના કાવતરામાં પંજાબ પોલીસ દ્વારા ગઈકાલે જે ખુલાસો કરવામાં આવ્યો હતો તેને ધ્યાનમાં રાખીને મુંબઈ પોલીસની ટીમ વધુ તપાસ માટે પંજાબ પહોંચી છે. સિદ્ધુ મુસેવાલા મર્ડર કેસમાં ધરપકડ કરાયેલા શૂટર્સ એ સલમાન ખાનની હત્યા વિશે જે કોઈ પણ માહિતી આપી હતી તેને ધ્યાનમાં રાખી વધુ માહિતી મેળવવા મુંબઈ પોલીસ એક્શન મોડમાં આવી ગઈ છે. પંજાબ પંહોચીને મુસેવાલા મર્ડર કેસમાં ધરપકડ કરાયેલા શાર્પ શૂટર્સ દીપક મુંડી અને કપિલ પંડિત પાસે મુંબઈ પોલીસ ની સલમાન ખાનની રેકી અંગે થયેલા ખુલાસા વિશે આગળ પૂછપરછ કરશે.
Delhi | They had done recce of Salman Khan's farmhouse & had also spoken to locals. They had also procured a car & a bike. They felt they can execute this even with a small weapon, they had pistols: Spl CP, HGS Dhaliwal on gangster Lawrence Bishnoi gang's threat to Salman Khan pic.twitter.com/5QKO4xMWer
સલમાનની હત્યાનું કાવતરું
સિદ્ધુ મુસેવાલા હત્યાકાંડ પહેલા લોરેન્સ બિશ્નોઈએ સલમાન ખાનને મારવા માટે પ્લાન બી તૈયાર કર્યો હતો. આ પ્લાનને ગોલ્ડી બરાડ અને કપિલ પંડિત લીડ કરતાં હતા. થોડા સમય પહેલા કપિલ પંડિત, સંતોષ જાધવ, દીપક મુંડી અને અન્ય કેટલાક શૂટર્સ મુંબઈના પનવેલમાં ગયા હતા અને ત્યાં ભાડે રૂમ રાખીને રહેવા લાગ્યા હતા. તમને જણાવી દઈએ કે પનવેલમાં સલમાન ખાનનું એક ફાર્મહાઉસ છે અને એ ફાર્મહાઉસના સુધી પંહોચવાના રસ્તા પર જ લોરેન્સ બિશ્નોઈના શૂટરોએ એક રૂમ ભાડે લીધો હતો. એ લોકો લગભગ દોઢ મહિના સુધી ત્યાં રહ્યા હતા. સલમાન ખાન પર હુમલો કરવા માટે લોરેન્સ બિશ્નોઈ ગેંગના શુટરોએ દરેક પ્રકારના હથિયાર અને ઘણી બંદુકો તેની પાસે રાખી હતી.
દરેક નાની જાણકારી મેળવી લીધી હતી
શૂટર્સને તો ત્યાં સુધી ખબર હતી કે જ્યારથી હિટ એન્ડ રન કેસમાં સલમાન ખાનનું નામ આવ્યું છે ત્યારથી સલમાન ખાનની કારની ખૂબ ઓછી સ્પીડ હોય છે અને સલમાન ખાન જ્યારે પણ પનવેલ ફાર્મહાઉસ પર આવે ત્યારે તેના સાથે શેરા તેની સાથે હાજર હોય છે. આટલું જ નહીં પણ શૂટરોએ પનવેલ ફાર્મહાઉસ તરફ જતાં રસ્તાના ખૂણેખૂણા ઓળખી લીધા હતા. ત્યાં સુધી અંદાજો લગાવી લીધી હતો કે રસ્તા પર ઘણા ખાડા છે એટલે ફાર્મહાઉસ સુધી પંહોચવા સલમાન ખાનની કારની સ્પીડ માત્ર 25 કિલોમીટર પ્રતિ કલાકની હશે. આ સાથે જ લોરેન્સ બિશ્નોઈના શૂટરોએ સલમાનના ફેન બનીને ફાર્મહાઉસના ગાર્ડ સાથે મિત્રતા પણ કરી લીધી હતી. જણાવી દઈએ કે તે સમય દરમિયાન સલમાન ખાન બે વખત તેના ફાર્મહાઉસ પર આવ્યો હતો પણ આટલા કડક સિક્યોરીટીને કારણે લોરેન્સ બિશ્નોઈના શૂટર્સનો એ મોકો ચૂકી ગયા હતા.
કપિલ પંડિતે કર્યો ચોંકાવનારો ખુલાસો
કપિલ પંડિત અને દીપક મુંડી હાલમાં પટિયાલાના રાજપુરામાં CIA સ્ટાફની ઓફિસમાં પંજાબ પોલીસના રિમાન્ડ પર છે અને પુછપરછ પર એમને પંજાબ પોલીસને જણાવ્યું હતું કે લોરેન્સ બિશ્નોઈના કહેવા પર આ લોકો લગભગ દોઢ મહિના સુધી મુંબઈમાં સલમાન ખાનના પનવેલ ફાર્મહાઉસ પાસે રહ્યા પરંતુ તેમને સલમાન ખાનને મારવાની તક મળી ન હતી. જણાવી દઈએ કે પશ્ચિમ બંગાળના દાર્જિલિંગન વિસ્તારમાં આવેલી ભારત-નેપાળ બોર્ડર ચોકી પરથી મુંડી અને તેના બે સાથીઓની ધરપકડ કરવામાં આવી હતી.