કાયદો / પિતા પોતાના જ પુત્રને કેટલા રૂપિયા સુધીની ગિફ્ટ આપી શકે? જાણો શું કહે છે ભારતનો કાયદો

ભારતમાં વર્તમાન ટેકસ્ રૂલ્સ હેઠળ કોઈ પણ વ્યક્તિને ભેટ આપવા પર કોઈ પ્રતિબંધ નથી. 

જો કે, પુત્રવધૂ અને તેના જીવનસાથીને આપવામાં આવેલી ભેટોની જેમ, ટ્રાન્સફર કરેલી સંપત્તિને કારણે થતી આવક ભેટ આપનાર વ્યક્તિના  હિસ્સે જવી જરૂરી છે. અમુક કિસ્સાઓમાં ક્લબિંગની જોગવાઈઓ આ ભેટમાંથી પ્રાપ્ત વ્યક્તિ દ્વારા મેળવેલી આવકના સંદર્ભમાં પણ લાગુ પડે છે. 

ભેટ આપતી વખતે ટેક્સના કેસ સંબંધિત ભારતીય ટેક્સ કાયદા મુજબ કોઈ પણ  વ્યક્તિ દ્વારા મળેલી ભેટ, સામાન્ય રીતે, તેના દ્વારા એક વર્ષ દરમિયાન પ્રાપ્ત થયેલી તમામ ભેટોની કુલ રકમ પચાસ હજારથી ઓછી હોય તો કોઈ ટેક્સ આપવાનો થતો નથી પરંતુ જેવી રકમ પચાસ હજારથી વધુ હોય તો તે કરપાત્ર બને છે.  

જો કે ભેટ મેળવનારની કોઈ ભેટ કરપાત્ર બનવાના નિયમમાં ચોક્કસ અમુક અપવાદ છે. આવા અપવાદોમાંથી અમુક ચોક્કસ સંબંધીઓ તરફથી મળેલી ભેટોના સંદર્ભમાં છે. 

સ્પેસિફિક રિલેશન્સ 

પિતા અને પુત્રના સંબંધને "ચોક્કસ સંબંધીઓ" ની વ્યાખ્યા હેઠળ આવરી લેવામાં આવે છે. 

પિતા અને પુત્ર એકબીજાને ભેટ આપવા માટે ટેક્સ ચૂકવવા નથી પડતાં. તેથી પિતા બંને માટે કોઈપણ કરવેરા વગર તેમના પુત્રને કોઈપણ પ્રકારની ભેટ આપી શકે છે. 

જો કે એક નિયમ તમારે યાદ રાખવા જેવો એ પણ છે કે જે વ્યક્તિ બે લાખથી વધુની ભેટ વ્યક્તિ રોકડમાં સ્વીકારે છે, તેને રોકડમાં સ્વીકારવામાં આવેલી ભેટની રકમ જેટલો જ દંડ પણ થઈ શકે છે માટે બે લાખથી વધુની રકમ કેશમાં સ્વીકારતા પહેલા વિચારજો.