આત્મનિર્ભર / ભારતીય મોબાઈલ કંપની Lavaએ નવો સ્માર્ટફોન બજારમાં મુક્યો, જાણો શું છે કિંમત અને ફિચર

• Lava Z61 Proમાં 5.45 ઈંચની એચડી પ્લસ ડિસ્પ્લે મળશે
• Lava Z61 Proની કિંમત 5774 રુપિયા રાખવામાં આવી છે
• ફોનનું વેચાણ જલ્દી જ ફ્લિપકાર્ડ, અમેઝોન અને ઓફલાઈન સ્ટોર્સ પર થશે 

Lava Z61 Proની કિંમત અને અવેબિલીટી

Lava Z61 Proની કિંમત 5774 રુપિયા રાખવામાં આવી છે અને આ ફોન મિડનાઈટ બ્લૂ અને અંબર રેડ કલર વેરિયંટમા મળશે. ફોનનું વેચાણ જલ્દી જ ફ્લિપકાર્ડ, અમેઝોન અને ઓફલાઈન સ્ટોર્સ પર થશે.

Lava Z61 Proના સ્પેસિફિકેશન

ફિચરની વાત કરીએ તો આમા ડ્યૂઅલ સિમ સપોર્ટ આપવામાં આવ્યો છે. Lava Z61 Proમાં 5.45 ઈંચની એચડી પ્લસ ડિસ્પ્લે મળશે. ફોનની ડિઝાઈન કંઈ ખાસ નથી. 5 વર્ષ પહેલા આવનારા ફોનની જેમ આમાં બેજલ છે. ડિસ્પ્લેની આસ્પેક્ટ રેશિયો 18.9 છે. આ ઉપરાંત ફોનમાં 1.6GHzનો ઓક્ટાકોર પ્રોસેસર છે. ફોનમાં 2 જીબી રેમની સાથે 16 જીબી સ્ટોરેજ મળશે જેમાં મેમરી કાર્ડની મદદથી 128 જીબી સુધી વધારી શકાશે.

કેમેરાની વાત કરીએ તો ફોનમાં 8 મેગાપિક્સલના રિયર કેમરા છે. જેની સાથે ફ્લેશ લાઈટ પણ આપવામાં આવી છે. ત્યારે ફ્રન્ટમાં સેલ્ફી કેમેરા 5 મેગા પિક્સલનો છે. કેમેરા સાથે બોકેહ, બર્સ્ટ મોડ, પેનોરમા, બ્યૂટી મોડ, એચડીઆર અને નાઈટ મોડ જેવા ફિચર મળશે.

Lava Z61 Pro માં 3100mAhની બેટરી છે. કનેક્ટીવિટી માટે આમાં બ્યૂટૂથ 4.2, વાઈ ફાઈ, જીપીએસ , યુએસબી ઓટીજી અને માઈક્રો - યુએસબી પોર્ટ છે. ફોનમાં ફિંગરપ્રિન્ટ સેંસર નહીં મળે. પરંતુ ફેસ અનલોક આપવામાં આવ્યું છે.