શાહરુખખાન, દીપિકા પાદુકોણ, અનુષ્કા શર્મા, કરણ જોહર જેવી બોલિવૂડની ઘણી મશહૂર વ્યક્તિઓ ડિપ્રેશનનો શિકાર બની ચૂકી છે. હવે અભિનેત્રી-ડાન્સર લોરેન ગોટલીબે પણ પોતાના ડિપ્રેશન અંગે ખુલાસો કરી બધાંને ચોંકાવી દીધાં છે.
વધુ એક અભિનેત્રીએ ડિપ્રેશનને લઇ કર્યો ખુલાસો
લોરેન ગોટલીબે પોતાના વ્યસન અંગે ખુલીને કરી વાત
રેમો ડિસોઝાની ‘એબીસીડી-ર’માં વરુણ ધવન સાથે કામ કરી ચૂકેલી લોરેન ઘણા સમયથી મોટા પરદેથી ગાયબ રહી હતી. તાજેતરમાં લોરેને બતાવ્યું કે તે છેલ્લા કેટલાક મહિનાથી દારૂ અને ડ્રગ્સની ચુંગાલમાં ફસાઇ ગઇ હતી.
લોરેને જણાવ્યું કે હું દારૂ પીતી, ડ્રગ્સ લેતી અને એ બધું જ કરતી જે મને ખુશ કરતું હતું. હું આ બધાની વચ્ચે ફસાઇ ગઇ અને ખુદને વિક્ટિમ માનવા લાગી. હું પાગલની જેમ એ વ્યક્તિની રાહ જોતી હતી, જે મને આ બધી બાબતોમાંથી બહાર લઇ જાય.
મને એ સમજવામાં ઘણો સમય લાગ્યો કે આ બધું જે મારી સાથે થઇ રહ્યું છે તે માત્ર મારા વિચારો સાથે થતું હતું, મારી સાથે નહીં. મને આ બધામાંથી બહાર આવવામાં ઘણો સમય લાગ્યો. હવે બે વર્ષ બાદ તેમાંથી બહાર નીકળવામાં સફળ રહી.
લોરેને વઘુમાં કહ્યું કે તેણી લોસ એન્જલસ ગઈ અને ત્યાં તેને એક થેરાપિસ્ટ સાથે ભેટો થયો. તેણે કહ્યું કે, પોતાને એવો અહેસાસ વારંવાર થતો કે તેણી કોઈક ઊંડા ખાડામાં ફસાઈ ગઈ છે. અને કોઈ તેને કોઇ બહાર નીકાળવા માટે મદદ કરી રહ્યું નથી.
જો કોઈ વ્યક્તિ તેણીનો ફોટો ખેંચે તો તેને એવું થયું કે તેની પાસેથી તે કાંઈક છીનવી રહ્યો છે. લોરેન બેસબોસ કેપ અને ઈયરફોન લગાવીને કલાકો સુધી આમતેમ ફરતી રહેતી હતી. લોરેન જણાવે છે કે, ફ્લાઈટમાં બેસીને તે અનેક વખત રડ્યા કરતી હતી. પણ જેવી જ તે લોકોની વચ્ચે આવતી ત્યારે તે પોતાને બધુ જ બરાબર છે તેવો દેખાડો કરવા લાગતી.