પેટ્રોલ-ડિઝલના ભાવમાં છેલ્લા એક મહિનાથી થઇ રહેલો ઘટાડો આગળ પણ ચાલુ રહી શકે છે. એક્સપર્ટનું કહેવું છે કે આવતા 15 દિવસોમાં કિંમતોમાં 5 રૂપિયા પ્રતિ લીટરનો ઘટાડો થઇ શકે છે. એમનું કહેવું છે કે અમેરિકાએ ઇરાન પાસેથી તેલ ખરીદવાના પ્રતિબંધથી ભારત ચીન અને જાપાન સહિત 8 દેશોને હાલમાં રાહત આપી દીધી છે. આ રાહત અસ્થાયી રૂપથી આપવામાં આવી છે પરંતુ એનાથી ભારતને સૌથી વધારે ફાયદો મળે એવું જોવા મળી રહ્યું છે. જો કે ઇરાન પર પ્રતિબંધ જારી રહેશે.
તમને જણાવી દઇએ કે ભારત દુનિયામાં કાચા તેલનો ત્રીજો મોટો ગ્રાહક છે. પોતાની કુલ જરૂરીયાતના 80 ટકા આયાત દ્વારા પૂરી કરે છે. ઇરાક અને સાઉદી અરબ બાદ ઇરાન ભારતનો ત્રીજો મોટો આપૂર્તિકર્તા દેશ છે.
સૂત્રો દ્વારા પ્રાપ્ત થતી વિગતોનુસાર સાઉદી અરબ તરફથી કાચા તેલનો સપ્લાય વધવાથી ભાવ ઘટી રહ્યા છે. 3 ઓક્ટોબરે કાચું તેલ પોતાના આ વર્ષના ઉપરી સ્તર 86.74 ડોલર પ્રતિ બેરલ પર હતું. ત્યારે 15 ટકા ઘટાડો થતાં કિંમત 72 ડોલર પ્રતિ બેરલ આવી ગઇ છે.
કાચું તેલ અહીંથી 68 ડોલર પ્રતિ બેરલ આવી શકે છે. એવામાં રૂપિયો વધારે સસ્તો થઇ શકે છે. એક અમેરિકી ડોલરની સરખામણી રૂપિયો 72.50 રૂપિયા સુધી આવી શકે છે. તો દેશમાં પેટ્રોલના ભાવ 5 રૂપિયા સુધી ઓછા થાય એવું અનુમાન છે. જો કે સરકાર ઓઇલ માર્કેટિંગ કંપનીઓને એક રૂપિયાની પાહત પરત લેવાનું કહી શકે છે.