અઠવાડિયાના પ્રથમ દિવસે સોના-ચાંદીના નવા ભાવ જાહેર થયાં છે. રૂપિયામાં નબળાઇ અને ગ્લોબલ કિંમતમાં રિકવરીને કારણે સોમવારે દિલ્હીના બુલિયન માર્કેટમાં સોનાના ભાવમાં 455 રૂપિયાનો વધારો નોંધાયો હતો. જો કે, ચાંદીની કિંમતમાં મોટો કડાકો બોલ્યો હતો.
સોના-ચાંદીના નવા ભાવ
સોનામાં 455 રૂપિયાનો ઉછાળો
ચાંદીના ભાવમાં 1,283 રૂપિયાનો ઘટાડો
ઔદ્યોગિક માગમાં ઘટાડો થવાને કારણે એક કિલોગ્રામ ચાંદીના ભાવમાં 1,283 રૂપિયાનો ઘટાડો થયો છે. નિષ્ણાંતોના મતે કોરોના વાયરસની વિશ્વવ્યાપી અસરને કારણે સોમવારે સ્થાનિક બજારનો બેંચમાર્ક ઇન્ડેક્સ સેન્સેક્સ 2700 પોઇન્ટ તૂટ્યો હતો.
સોનાના નવા ભાવ (Gold Price 16th March 2020)-
સોમવારે દિલ્હીના બુલિયન માર્કેટમાં 10 ગ્રામ સોનાની કિંમત 41,155 રૂપિયાથી વધીને 41,610 રૂપિયા થઇ હતી. આ દરમિયાન તેની કિંમત 455 રૂપિયા વધી હતી. આ પહેલા શુક્રવારે દિલ્હીના બુલિયન માર્કેટમાં 10 ગ્રામ સોનાના ભાવમાં 1,097 રૂપિયાનો ઘટાડો નોંધાયો હતો.
ચાંદીના નવા ભાવ (Silver Rate 16th March 2020)-
સોમવારે સોનાથી વિપરીત ચાંદીના ભાવમાં મોટો ઘટાડો જોવા મળ્યો છે. એક કિલો ચાંદીનો ભાવ 41,587 રૂપિયાથી ઘટીને 40,304 રૂપિયા રહ્યો છે. આંતરરાષ્ટ્રીય બજારમાં ચાંદીની કિંમત 15.65 ડોલર પ્રતિ ઔંસ હતી.
ચાલુ વર્ષે 9 ટકા જેટલી સોનાની આયાત ઘટી
દેશમાં સોનાની આયાતના ચાલુ નાણાકીય વર્ષના પહેલાના 11 મહિના દરમિયાન 8.86 ટકા ઘટીને 27 અરબ ડોલર (આશરે 1.90 લાખ કરોડ રૂપિયા)થઇ છે. વાણિજ્ય મંત્રાલય દ્વારા આ માહિતી આપી હતી.