ભારતમાં કોરોનાના કેસો ઝડપથી વધી રહ્યા છે, છેલ્લા 24 કલાકમાં કોરોના વાયરસના 2067 નવા કેસો સામે આવ્યા છે.
ભારતમાં કોરોનાના કેસોમાં વધારો થયો છે
દિલ્હી, મહારાષ્ટ્ર અને યુુપીમાં ચિંતાજનક સ્થિતિ
24 કલાકમાં 65 ટકા કેસો વધ્યા
ભારતમાં કોરોનાના કેસો ઝડપથી વધી રહ્યા છે, છેલ્લા 24 કલાકમાં કોરોના વાયરસના 2067 નવા કેસો સામે આવ્યા છે. આ અગાઉ સોમવારે 1247 કેસ મળ્યા હતા. એટલે કે, 24 કલાકમાં દેશમાં લગભગ 65 ટકા કેસોનો વધારો થયો છે.
દેશમાં છેલ્લા 24 કલાકમાં કોરોનાના 40થી વધારે લોકોના મોત થયા છે. જો કે, આ દરમિયાન 1547 લોકો સાજા પણ થયા છે. અત્યાર સુધી દેશમાં કોરોનાના કુલ 4,30,47,594 કેસ સામે આવ્યા છે. તો વળી એક્ટિવ કેસ વધીને 12, 340 થઈ ગયા છે. અત્યાર સુધીમાં 4,25,13,248 લોકો કોરોનાથી સાજા થઈ ગયા છે. અત્યાર સુધીમાં દેશમાં કોરોનાથી 5,22,006 લોકોના મોત થયા છે.
દિલ્હી, મહારાષ્ટ્ર, યુપરીમાં કોરોનાની શું છે સ્થિતિ
રાજધાની દિલ્હીમાં હાલત અત્યંત ચિંતાજનક છે. અહીં છેલ્લા 24 કલાકમાં 26 ટકા કેસ વધ્યા છે. દિલ્હીમાં મંગળવારે કોરોનાના 632 નવા કેસ આવ્યા હતા. તો આ અગાઉ સોમવારે 501 કેસ સામે આવ્યા હતા. એક્ટિવ કેસ વધીને 1274 થઈ ગયા છે. જો કે, મંગળવારે 414 લોકો સાજા થયા છે. જો કે, છેલ્લા 24 કલાકમાં કોરોનાથી કોઈ પણ વ્યક્તિનો જીવ ગયો નથી, પોઝિટિવિટી રેટ 4.42 ટકા થઈ ગયો છે.
દિલ્હી ઉપરાંત યુપીમાં પણ કોરોનાના કેસો વધવા લાગ્યા છે. છેલ્લા 24 કલાકમાં 163 કેસ આવ્યા છે. એક્ટિવ કેસ નોંધાયા છે. એક્ટિવ કેસ વધીને 798 કેસ થઈ ગયા છે. છેલ્લા 24 કલાકમાં 555 લોકો સાજા થયા છે.
મહારાષ્ટ્રમાં મંગળવારે કોરોનાના કેસમાં ખૂબ વધારો થયો છે. અહીં છેલ્લા 24 કલાકમાં 137 નવા કેસ સામે આવ્યા છે. જ્યારે એક દિવસ પહેલા એટલે કે, સોમવારે 59 કેસ સામે આવ્યા હતા. મહારાષ્ટ્રમાં છેલ્લા 1 અઠવાડીયામાં 693 નવા કેસ મળ્યા છે. એટલું જ નહીં અહીં પોઝિટિવિટી રેટ 0.4 ટકા થઈ ગયો છે.