ડિસેમ્બરનાં મધ્યથી કપાસની સરકારી ખરીદી વેગ પકડશે. ઓકટોબરમાં નવી સિઝનના કપાસની ખરીદી શરૂ થઈ હતી. કોટન કોર્પોરેશન ઓફ ઇન્ડિયાનાં અધિકારીઓનું કહેવું છે કે આ દરમ્યાન બજારમાં સારી ગુણવત્તાનાં કપાસનો સપ્લાય ચાલુ રહેશે.
કપાસની આવક આ ચાર સ્ટેટમાં સારી રહી નથી
કપાસનાં પાકને મોટાપાયે નુકસાન થયું હતું
ભેજનાં પ્રમાણને કારણે કંપનીઓ કપાસન ખરીદી કરતી નથી.
આ વર્ષે કપાસનાં પ્રારંભિક પાકની આવક મહારાષ્ટ્ર, ગુજરાત, તેલંગાણા અને રાજસ્થાનનાં કેટલાક ભાગમાં સારી નથી રહી. કારણ કે આ વખતે ચોમાસું લંબાયું હતું અને તેથી કપાસનાં પાકને મોટા પાયે નુકસાન થયું હતું.
સરકાર કપાસની ખરીદી કરશે
જોકે હવે ઉત્તર ભારતમાં કપાસની ગુણવત્તામાં સુધારો થયો છે, પરંતુ પશ્ચિમ ભારતમાં કપાસનાં પાકમાં ભેજનું પ્રમાણ વધું છે. આ ઉપરાંત ગુણવત્તાનાં અન્ય માપદંડ પણ પ્રભાવિત થયાં છે. આ કારણસર કપાસનાં લઘુતમ સમર્થન મૂલ્ય (એમએસપી)માં ઘટાડો થયો છે. તેથી વેપારી અને કંપની દ્વારા કપાસની વધુ ખરીદી કરવામાં આવતી નથી. પરંતુ હવે ડિસેમ્બરનાં મધ્યમાં ખેડૂતોને નુકસાન ન જાય તે માટે સરકાર કપાસની ખરીદી શરૂ કરશે. હાલ કપાસનો ભાવ પ્રતિક્વિન્ટલ રૂ.પ૦૦૦- પ૪૦૦ ચાલે છે, પરંતુ વૈશ્વિક બજારમાં માગ વધે એટલે ભાવમાં વધારો થશે.