રાજકોટમાં હેત વરસાવવાના બદલે વરસાદે રૌદ્ર રૂપ ધારણ કરતા 12 થી 14 કલાક માં જ અંદાજે 17 ઇંચ વરસાદ ખાબકી ગયો પરિણામે વરસાદી પાણીથી રાજકોટ માત્ર નહિ સમગ્ર પંથક જળમગ્ન
રાજકોટમાં પણ રૌદ્ર રૂપ
ખેતરો-રસ્તા જળ બંબોળ
હજુ પણ ભારે વરસાદની આગાહી
રાજકોટમાં હેત વરસાવવાના બદલે વરસાદે રૌદ્ર રૂપ ધારણ કરતા 12 થી 14 કલાક માં જ અંદાજે 17 ઇંચ વરસાદ ખાબકી ગયો પરિણામે વરસાદી પાણીથી રાજકોટ માત્ર નહિ સમગ્ર પંથક જળમગ્ન બની ગયો ગ્રામીણ વિસ્તારમાં લોધિકા,કોટડા સાંગાણી,ગોંડલ જેવા વિસ્તારોમાં ખેતરોમાં પાણી ભરાઈ જતા,નદીઓ વહેતી હોય તેવા દૃશ્યોનું નિર્માણ થયું હતું.સડકો પર પણ પાણી ફરી વળ્યા હતા
પાલમાં પારાવાર
રાજકોટના પાલ ગામમાં તો કેડ-કેડ સુધીના પાણી ભરાઈ જતા હોળી પણ ડૂબી જાય તેવી સ્થિતિનું નિર્માણ થયું હતું. ગામના મંદિરમાં કેડ સુધી પાણી ભરાઈ ગયા અને મંદિરે જાણે જળસમાધી લઈ લીધી હોય તેવા દૃશ્યો સર્જાયા હતા .મંદિરના જે ખૂણે નજર કરીએ ત્યાં પાણીનું સામ્રાજ્ય જોવા મળી રહ્યું છે.મંદિરનો અડધો ભાગ જ જોવા મળી રહ્યો છે..જ્યારે અડધા મંદિરે જળસમાધિ લઈ લીધી છે.
.વરસાદ રાજકોટ જિલ્લામાં કેવો વરસ્યો છે અને તેણે કેવી તારાજી વેરી છે તે આ દ્રશ્યો પરથી જ તમને સમજાઈ છે.મેઘરાજાના મુશળધાર મારને કારણે એક કોઝ વે ધરાશાયી થઈ ગયો છે.જેને કારણે બે ગામનો સંપર્ક કપાઈ ગયો છે.રોડ પરથી નદી વહી રહી હોય તેવા હાલ થયા છે...પાણીનો પ્રવાહ એટલો તિવ્ર છે કે ડામરનો રોડ કાગળના પત્તાની માફક તણાઈ ગયો હતો.
હજુ બે દિ' ભારે - બહાર ના નીકળશો
રાજકોટમાં હજુ આટલું ઓછું હોય તેમ હજુ વધુ વરસાદની આગાહી કરવામાં આવી છે.આગામી 24 કલાકમાં ભારેથી અતિભારે વરસાદની હવામાન વિભાગે આગાહી કરી છે.જેના કારણે તંત્ર એલર્ટ મોડ પર આવી ગયું છે.રાજકોટ મ્યુનિસિપલ કમિશનર અમિત અરોરાએ શહેરીજનોને કામ સિવાય બહાર ન નીકળવા સુચના આપી છે.
રાજકોટ શહેર અને જિલ્લામાં આવેલા મુશળધાર વરસાદને કારણે તંત્ર એલર્ટ થઈ ગયું છે.અને NDRFની ટીમોને સ્ટેન્ડબાય રાખવામાં આવી છે.જો કે રાહની વાત એ છે કે કોઈ જાનહાનીના હજુ સુધી સમાચાર મળ્યા નથી. જે પ્રકારે મેઘરાજાએ તાંડવ વેર્યું છે તેને જોતા આગામી સમયમાં સ્થિતિ વિકટ બને તો નવાઈ નહીં.
પાછોતરો પણ ધીંગો વરસાદ
ગુજરાતમાં અને ખાસ કરીને સૌરાષ્ટ્રમાં મેઘરાજાએ છેલ્લા બે દિવસ દરમિયાન ધમાકેદાર આગમન કર્યું છે. ભારેથી અતિભારે વરસાદ વરસતા કેટલાક ગ્રામ્ય વિસ્તારોમાં ઘોડાપૂરની પરિસ્થિતિ સર્જાઈ છે. છેલ્લા 24 કલાકમાં રાજ્યના 212 તાલુકાઓમાં વરસાદ વરસ્યો છે. અત્યાર સુધીમાં સિઝનનો 64.44 ટકા વરસાદ નોધાયો છે. સૌરાષ્ટ્રમાં 68.74 ટકા, કચ્છમાં 66.13 ટકા અને દક્ષિણ ગુજરાતમાં 64.44 ટકા વરસાદ વરસ્યો છે. તો મધ્ય ગુજરાતમાં 55.92 ટકા, ઉત્તર ગુજરાતમાં 54.45 ટકા વરસાદ વરસ્યો છે. જ્યારે 24 કલાકમાં સૌથી વધુ વરસાદ લોધિકામાં વરસી ગયો છે.
15 સ્ટેટ હાઇવે બંધ કરવા પડ્યા
ભારેથી અતિભારે વરસાદના કારણે 15 સ્ટેટ હાઇવે બંધ કરવા પડ્યા છે અને 136 રસ્તાઓ વાહનવ્યવહાર માટે બંધ કરાયા છે. હજુ પણ આગામી ચાર દિવસ ભારેથી અતિભારે વરસાદની આગાહી છે.આગાહીના કારણે NDRF-SDRFની ટીમને અલર્ટ રહેવાની સૂચના આપવામાં આવી છે.