સુરત સિવિલ હોસ્પિટલમાં મોડી રાત્રે બ્લાસ્ટ વોર્ડમાં લાગી આગ દર્દીઓના જીવ અધ્ધરતાલ

સુરતઃ સિવિલ હોસ્પિટલમાં મોડી રાતે ડાયાલિસીસ વિભાગમાં બ્લાસ્ટ થયો હતો. બ્લાસ્ટના પગલે બે ડાયાલિસીસ મશીન અને એક વેન્ટિલેટર બળીને ખાખ થયું છે. બ્લાસ્ટ બાદ દર્દીઓ અને સ્ટાફમાં દોડધામ મચી ગઈ હતી. ડાયાલિસીસ વિભાગના પાંચથી છ દર્દીઓને અન્ય વોર્ડમાં ખસેડવામાં આવ્યા છે. 

આગની જાણ ફાયર વિભાગને કરતા તેઓ તાત્કાલિક ઘટના સ્થળે પહોંચ્યા અને આગ પર કાબૂ મેળવ્યો હતો. જો કે આગમાં લાખો રૂપિયાનું નુકસાન થયું હોવાનો અંદાજ છે. આગની આટલી મોટી ઘટના બન્યા બાદ પણ આર.એમ.ઓ.એ હજુ સુધી મુલાકાત લીધી નથી.

આ બ્લાસ્ટ બાદ આગ ફાટી નીકળતા સમગ્ર વોર્ડમાં ભાગદોડ મચી જવા પામી હતી. અહીં એસીમાં પણ આગ લાગી હતી. ત્યારે સમગ્ર વિભાગ ધુમાડાથી ભરાઇ ગયો હતો. દર્દીઓના જીવ અધ્ધર તાલ થઇ ગયા હતા. તેઓને તાત્કાલિક અન્ય વોર્ડમાં ખસેડવામાં આવ્યા હતા. તાત્કાલિક ફાયર વિભાગે ઘટના સ્થળે પહોંચી આગ પર કાબૂ મેળવ્યો હતો.