BREAKING / પેરૂ એરપોર્ટ પર પર ઘટી મોટી દુર્ઘટના, ટેકઑફ દરમ્યાન 106 યાત્રીઓથી ભરેલા વિમાનની ટક્કર થતાં બેનાં મોત

• પેરુના લિમામાં જોર્જ ચાવેઝ એરપોર્ટ પર દુર્ઘટના 
• રનવે પર ટેકઓફ દરમિયાન વિમાન સાથે ટ્રક અથડાયો
• વિમાન ફાયર ટ્રક સાથે અથડાતા બન્નેમાં આગ લાગી હતી

શુક્રવારે (18 નવેમ્બર) પેરુના લિમામાં જોર્જ ચાવેઝ ઈન્ટરનેશનલ એરપોર્ટના રનવે પર ટેકઓફ દરમિયાન 106 મુસાફરોને લઈ જતું LATAM એરલાઈન્સનું વિમાન ફાયર ટ્રક સાથે અથડાઈ ગયું. આ અકસ્માતમાં પ્લેનમાં આગ લાગી હતી.

બે લોકોના મોતના સમાચાર 
અહેવાલો અનુસાર, આ દુર્ઘટનામાં અત્યાર સુધીમાં બે લોકોના મોત થયા છે. અકસ્માતમાં અગ્નિશામકોએ જીવ ગુમાવ્યો હોવાનું કહેવાય છે. રાહતની વાત એ છે કે વિમાનમાં સવાર તમામ 106 મુસાફરો અને છ ક્રૂ મેમ્બર સુરક્ષિત છે. લિમાના જોર્જ ચાવેઝ એરપોર્ટના કામમાં ભાગીદાર કંપનીએ એક ટ્વીટમાં જણાવ્યું હતું કે હાલ પૂરતું, સ્થળ પરની કામગીરી સ્થગિત કરી દેવામાં આવી છે. 

🇵🇪#PERÚ 🚨#URGENTE | Avión de la aerolínea LATAM chocó contra un camión que se cruzó en su camino en la pista del Aeropuerto Internacional Jorge Chávez, en Lima. #RochexRB27 https://t.co/NzesKf2q6v pic.twitter.com/1G3Sc37Buy

— Rochex Rababel Robinson Bonilla (@RochexRB27) November 18, 2022

ફાયર વિભાગના જનરલ કમાન્ડે આ માહિતી આપી હતી
ફાયર વિભાગના જનરલ કમાન્ડર લુઈસ પોન્સ લા જારાએ જણાવ્યું હતું કે જ્યારે પ્લેન ટ્રક સાથે અથડાયું ત્યારે તેમાં હાજર બે ફાયર ફાઈટરના મોત થયા હતા જ્યારે એક ઘાયલ થયો હતો. તેણે જણાવ્યું કે જ્યારે પ્લેન અને ટ્રકની ટક્કર થઈ ત્યારે બંને વાહનોમાં આગ પકડી હતી. 

આ ફ્લાઈટ ફાયર ટ્રક સાથે અથડાઈ હતી
અહેવાલો અનુસાર, LATAM એરલાઇન્સની ફ્લાઇટ LA2213 ના એરબસ A320neo એ લિમાના મુખ્ય એરપોર્ટથી પેરુવિયન શહેર જુલિયાકા માટે ઉડાન ભરી હતી, જ્યારે આ ઘટના બની હતી. 

🇵🇪#PERÚ 🚨#URGENTE | Hasta el momento no se reportan víctimas que lamentar tras el accidente de un avión de LATAM en el Aeropuerto Internacional Jorge Chávez, en Lima. A bordo de la aeronave había más de 100 personas. #RochexRB27 pic.twitter.com/qY7OHRwvfT

— Rochex Rababel Robinson Bonilla (@RochexRB27) November 18, 2022

બચાવ ટુકડીઓ પહોચી હતી
સોશિયલ મીડિયા પર શેર કરવામાં આવેલા વીડિયોમાં જોવા મળી રહ્યું છે કે રનવે પર એક મોટા પ્લેનમાંથી ધુમાડો નીકળી રહ્યો છે. ફાયર વિભાગના જણાવ્યા અનુસાર, દુર્ઘટના બપોરે 3:25 વાગ્યે થઈ હતી, ત્યારબાદ ચાર બચાવ ટુકડીઓને ઘટનાસ્થળે મોકલવામાં આવી હતી.