લતા મંગેશકરની ઇન્દોરના એક ચાહકે લતા દીદીનું બનાવ્યું મંદિર, કહ્યું, લતા દીદી મારા માટે સરસ્વતીનું બીજુ સ્વરુપ છે.
લતા મંગેશકરના ઇંદોરના જબરા ફેન
લતા દીદીનું બનાવ્યુ મંદિર
લતા દીદી સરસ્વતી માનું બીજુ સ્વરુપ- વર્ષા ઝાલાની
લતા મંગેશકરના ફેન કોણ નથી. આ એવા સિંગર હતા જેમણે પોતાના અવાજનો એવો જાદુ ચલાવ્યો હતો કે ના તેમના જેવુ કોઇ હતુ કે ના તેમના જેવુ કોઇ હવે આવશે. સુરોની સ્વસ્વતી, સૂર સમ્રાજ્ઞી અને સ્વર કોકિલા અને બીજા ઘણા બધા હુલામણા નામોથી બોલાવામાં આવે છે. ત્યારે વાત કરીએ એવા એક ફેનની જેમણે ખરેખરમાં લતાજીને સરસ્વતી માતાનું બીજુ સ્વરુપ ગણાવ્યા.
લતાજીનું મંદિર
સમગ્ર વિશ્વમાં લતા મંગેશકરના અસંખ્ય ચાહકો છે. પરંતુ ઈન્દોરની વર્ષા ઝાલાની વાસ્તવમાં લતાજીની જબરા ફેન છે. વર્ષાએ પોતાના ઘરમાં લતાજીનું મંદિર બનાવ્યું છે. આ મંદિરમાં તેમણે દેવી સરસ્વતી સાથે લતા મંગેશકરની તસવીર લગાવી છે. તેમની પાસે લતાની ઘણી તસવીરો છે, જેમાંથી ઘણી તસવીરોમાં તે પોતે લતાજી સાથે જોવા મળે છે.
'મારા માટે લતા દીદી સરસ્વતીનું બીજુ રુપ'
રેડિયો સિંગર વર્ષા કહે છે કે સંગીતની દેવી લતા દીદી મારા માટે મા સરસ્વતીનું બીજું સ્વરૂપ છે. તેમણે કહ્યું કે અમે ક્યારેય ભગવાનને પ્રત્યક્ષ જોયા નથી, તેમ છતાં અમે તેમની પૂજા કરીએ છીએ. મેં લતાજીને ગાતા સાંભળ્યા છે, મેં તેમને સીધા જોયા છે. તે મારા માટે ભગવાનથી ઓછું નથી. તેથી જ મેં તેનું મંદિર બનાવ્યું છે અને તેમની પૂજા કરી છે. મારા માટે લતાજી મા સરસ્વતીનું બીજું સ્વરૂપ છે.
લતા દીદી માટે 12 ભાષાઓમાં ગીત ગાયું
વર્ષા ઝાલાનીએ લતા દીદી માટે તુમકો હમારી ઉમર લગ જાયે ગીત 12 ભાષાઓમાં ગાયું છે. આ દરમિયાન વર્ષાએ લતા મંગેશકર સાથેની તેમની મુલાકાતની વાતો પણ શેર કરી હતી. વર્ષાએ જણાવ્યું કે તેણે લતા મંગેશકર સાથે વસંત પંચમીના દિવસે ત્રણ વખત પૂજા કરી છે. તેમણે કહ્યું કે લતાજીએ આ દુનિયા છોડી નથી. તે હંમેશા કોઈ ને કોઈ સ્વરૂપે આપણી સાથે રહેશે. તેઓ હિન્દી ગીતો ગાતા હતા પણ તેમને મરાઠી ગીતો સાંભળવાનું પસંદ હતું. મરાઠી બોલવુ અને મરાઠી ગીત લતાજીને બહુ પસંદ હતું.