કારનું કલેક્શન / ક્રિકેટની સાથે કારના પણ ખૂબ શોખીન હતા લતા તાઈ, અબજોની સંપત્તિ છોડી દુનિયાને કહ્યું અલવિદા

• લતા મંગેશકરનું 92 વર્ષની ઉંમરે નિધન
• જાણો લતા દીદીની પહેલી કમાણી કેટલી હતી
• આ કારોની શોખીન હતી લતા દીદી 

લતા દીદીની પહેલી કમાણી 25 રૂપિયા હતી

સંગીત સિવાય કાર અને ક્રિકેટની શોખીને લતા દીદીએ 36 ભાષાઓમાં 50 હજારથી વધુ ગીતો ગાયા હતા. આવો જાણીએ લતા દીદીની પહેલી કમાણી કેટલી હતી  અને તેમની કુલ નેટવર્થ કેટલા કરોડ રૂપિયાની હતી. મીડિયા રિપોર્ટસ મુજબ,  લતા મંગેશકરે અંદાજે 13 વર્ષની ઉંમરમાં ડેબ્યુ કર્યુ હતુ. તેમની પહેલી કમાણી 25 રૂપિયા હતી. તેમની જીવનશૈલી ખૂબ સરળ હતી. પરંતુ તેમની પાસે કારોનું  સારું કલેક્શન હતુ. રિપોર્ટસ મુજબ લતા દીદીની પાસે લગભગ 370 કરોડ રૂપિયાની કુલ સંપત્તિ હતી. તેની મોટાભાગની કમાણી તેમના ગીતની રૉયલ્ટી પરથી થઇ હતી.

લતા દીદીની પાસે કારનું સારુ કલેક્શન

લતા દીદીની પાસે કારનું સારુ કલેક્શન હતુ. કારણકે તેમણે પોતાની ગેરેજમાં સારી અને સ્ટાઈલિશ કાર રાખવાનો શોખ હતો. તેમણે પહેલા એક ઈન્ટરવ્યુમાં કહ્યું હતુ કે તેમને કાર રાખવાનો ખૂબ શોખ છે. લતા દીદીએ જણાવ્યું હતુ કે તેમણે સૌથી પહેલા એક Chevrolet ખરીદી હતી. તેમણે આ કાર ઈન્દોરમાંથી ખરીદી હતી. તેમણે આ કારને પોતાની માંના નામ પરથી ખરીદી હતી. ત્યારબાદ તેના ગેરેજમાં Buick કાર આવી. તેની પાસે Chrysler કાર પણ હતી. 

યશ ચોપડાએ ગિફ્ટમાં આપી હતી મર્સિડીઝ

લતા દીદીને યશ ચોપડાએ ગિફ્ટમાં મર્સિડીઝ કાર આપી હતી. તેમણે ઈન્ટરવ્યુ દરમ્યાન જણાવ્યું હતુ, દિવંગત યશ ચોપડાજી મને પોતાની બહેન માનતા હતા અને ખૂબ પ્રેમ આપતા હતા. વીરજારાની મ્યુઝિકની રિલીઝ સમયે તેમણે એક મર્સિડીઝની ચાવી મારા હાથમાં મુકી હતી અને જણાવ્યું કે તેઓ મને કાર ગિફ્ટ કરી રહ્યાં છે. મારી પાસે હજી પણ તે કાર છે.