ઋષિ કપૂરની છેલ્લી ફિલ્મ શર્મા જી નમકીનનું ટ્રેલર રિલીઝ થયુ છે. આ ટ્રેલરમાં પરેશ રાવલ અને ઋષિ કપૂરને સાથે જોઈને તમારી આંખો ચોક્કસ ભીની થઇ જશે.
ઋષિ કપૂરની છેલ્લી ફિલ્મનું ટ્રેલર રીલીઝ
પરેશ રાવલ જેવા દિગ્ગજ કલાકાર સાથે સ્ક્રીન પર દેખાશે
ગયા વર્ષે ફાની દુનિયા છોડી ગયા હતા ચિન્ટુ
બોલીવુડના દિવંગત અભિનેતા ઋષિ કપૂરની છેલ્લી ફિલ્મ શર્મા જી નમકીનનું ટ્રેલર રિલીઝ થયુ છે. આ ફિલ્મમાં ઋષિ કપૂર શર્મા જીના પાત્રમાં જોવા મળશે. આ સાથે સિનિયર અભિનેતા પરેશ રાવલ પણ રોલમાં જોવા મળશે. ફિલ્મનું ટ્રેલર ખૂબ રસપ્રદ છે. આ ટ્રેલરમાં બોલીવુડના બંને દિગ્ગજો એકસાથે કામ કરી રહ્યાં છે.
ટ્રેલર મસ્ત મજાના ઈમોશન્સથી ભરપૂર
આ ફિલ્મમાં ચિન્ટુ એક શેફ એટલેકે રસોઈ બનાવનાર વ્યક્તિના પત્રમાં જોવા મળશે. તેના દીકરા સાથે તેના ટકરાવ અને તેમના આલાતરીન ભોજન બનાવવાના શોખની વાત કરવામાં આવી છે. આ આખો મુદ્દો દર્શકોને સ્પર્શી જાય એ રીતે દર્શાવવામાં આવ્યો હોવાનું ટ્રેલર પરથી કહી શકાય છે. આ ફિલ્મમાં ઋષિ કપૂર અને પરેશ રાવલનુ સારું પર્ફોમન્સ મળવાનું છે. ટ્રેલરમાં બને અભિનેતાઓ સારી એક્ટિંગ કરી રહ્યાં છે. આ ટ્રેલર મસ્તી-મજાની સાથે ઈમોશન્સથી પણ ભરેલુ છે. શર્માજીના રોલમાં ઋષિ કપૂર એકદમ પરફેક્ટ હતા. જો કે, તેમના અચાનક નિધન બાદ પરેશ રાવલને આ રોલમાં કાસ્ટ કરવામાં આવ્યાં હતા.
દેહાવસનનું એક વર્ષ
પંજાબના હિન્દુ પરિવારમાં 4 સપ્ટેમ્બર, 1952માં ઋષિ કપૂરનો જન્મ થયો હતો.ઋષિ કપૂરે બાળ કલાકાર તરીકે બોલિવુડમાં એન્ટ્રી કરી હતી. તેમને બોબી ફિલ્મ માટે 1974માં સર્વશ્રેષ્ઠ અભિનેતા માટે ફિલ્મફેર પુરસ્કાર મળ્યો હતો. 2008માં ફિલ્મફેર લાઈફટાઈમ એચિવમેન્ટ પુરસ્કારથી સન્માનિત કરાયા હતા. મેરાનામ જોકર, યાદો કી બારાત, બોબી જેવી મોટી ફિલ્મોમાં દમદાર અભિનય કર્યો હતો. ત્યારે તેમના અવસાનના સમાચારથી બોલિવૂડ હસ્તીઓ સહિત રાજકીય નેતાઓને પણ આઘાત લાગ્યો હતો. હવે તેમના અવસાનને લગભગ એક વર્ષ પૂરું થવા આવ્યું છે.