સુવર્ણ તક / સસ્તામાં સોનું ખરીદવાનો આજે છેલ્લો અવસર, મોદી સરકારની આ સ્કીમમાં મળશે મોટો લાભ

• સસ્તામાં સોનું ખરીદવાનો છેલ્લો દિવસ
• મોદી સરકારની આ સ્કીમમાં કરી લો રોકાણ
• ઓનલાઈન બોન્ડની ખરીદીમાં મળશે આટલી છૂટ

આ બોન્ડનું વેચાણ 20 એપ્રિલથી શરૂ થયું હતું. ગોલ્ડ બોન્ડ 24 એપ્રિલ સુધી સબ્સ્ક્રિપ્શન માટે ખુલ્લું હતું. જો તમારે ગોલ્ડ બોન્ડમાં રોકાણ કરવું હોય તો તમે 1 ગ્રામ સોનું પણ ખરીદી શકો છો. ઓનલાઇન ગોલ્ડ બોન્ડ્સ ખરીદનારાઓને પ્રતિ ગ્રામ દીઠ રૂ .50 ની વધારાની છૂટ મળશે. એટલે કે 10 ગ્રામ દીઠ 500 રૂપિયા. હવે સવાલ એ ઊભો થાય છે કે શું આ સમયે સોનાના બોન્ડ્સ ખરીદવું તમારા માટે ફાયદાકારક રહેશે.

આ છે ગોલ્ડ બોન્ડની કિંમત

સરકારે ગોલ્ડ બોન્ડની કિંમત માટે 4639 રૂપિયા પ્રતિ ગ્રામ એટલે કે 46390 રૂપિયા પ્રતિ 10 ગ્રામનો ભાવ નક્કી કર્યો છે. ઓનલાઈન ખરીદી માં તેની પર 50 રૂપિયા પ્રતિ ગ્રામ એટલે કે 500 રૂપિયા પ્રતિ 10 ગ્રામની છૂટ મળશે. આ રીતે 10 ગ્રામ સોનાનો ભાવ 45890 રૂપિયા થશે. ગયા અઠવાડિયે 47000ને પાર કરનારું સોનું હાલમાં 46000ની નીચે છે. રિઝર્વ બેંકે કહ્યું કે ઈશ્યૂ પ્રાઈસ સબ્સક્રિપ્શન પહેલાં આવનારા અઠવાડિયાના છેલ્લા 3 દિવસ કાર્ય માટે IBJAની તરફથી જાહેર કરાયેલા 999 પ્યોરિટીના સોનાનું ક્લોઝિંગ પ્રાઈસના સિંપલ એવરેજથી રૂપિયામાં નક્કી થશે. 

અહીંથી ખરીદી શકો છો સૉવરેન ગોલ્ડ

સૉવરેન ગોલ્ડ બોન્ડને તમે તમારી બેંક, સ્ટોક હોલ્ડિંગ કોર્પોરેશન ઓફ ઈન્ડિયા લિમિટેડ, નક્કી પોસ્ટ ઓફિસ, નેશનલ સ્ટોક એક્સચેન્જ કે મુંબઈ સ્ટોક એક્સચેન્જથી ખરીદી શકો છો. 

સોનું ખરીદવું હજુ પણ સારો વિકલ્પ

નિષ્ણાતોના જણાવ્યા અનુસાર સરકારે છેલ્લા કેટલાક સમયથી સોનાના ભાવમાં જે રીતે વધારો કર્યો છે તે જોતા સોનાના બોન્ડની કિંમત પ્રતિ ગ્રામ 4639 રૂપિયા નક્કી કરી છે. એકવાર આટલી  ઊંચી કિંમત જોતા રોકાણકારો નિરાશ થઈ શકે છે. આગળ મોટી અર્થવ્યવસ્થામાં ફક્ત મંદીની આગાહી છે.  આવી સ્થિતિમાં સોનામાં તેજી હજી પણ ચાલુ રહેશે. જેનો લાભ ગોલ્ડ બોન્ડના રોકાણકારોને મળશે. સોનાના ભાવ આ વર્ષના અંત સુધી સતત ચાલુ રહેવાની ધારણા છે. આવી સ્થિતિમાં સોનું આ વર્ષના અંત સુધીમાં 53 હજારના ભાવને સ્પર્શી શકે છે. આને કારણે સોવરિન ગોલ્ડ બોન્ડ્સને રોકાણકારોનો સારો પ્રતિસાદ મળી શકે છે.