ગાંધીનગરઃ સુપ્રિમના વચગાળાના ચુકાદા બાદ ખાનગી સ્કૂલોને પોતાની દરખાસ્ત રજૂ કરવા માટે મુદ્દત આપી હતી. આ દરખાસ્તની મુદ્દત આજે પૂર્ણ થાય છે. તેમ છતાં અમદાવાદ શહેરની ખાનગી સ્કૂલો દ્વારા દરખાસ્ત રજૂ કરવામાં ઢીલાશ જોવા મળી અને દરખાસ્તનું કામ લેતી નથી.
અમદાવાદ જિલ્લાની માત્ર 10 જેટલી ખાનગી સ્કૂલોએ દરખાસ્ત કરી છે. ત્યારે કાયદામાં જોગવાઈ કરેલી કટઓફ ફી કરતા ઓછી ફી લેતી 1500થી વધુ સ્કૂલોએ એફીડેવિટ રજૂ કર્યા છે. તો બીજી તરફ જૂની ફી નિર્ધારણ કમિટિ સામે જે સ્કૂલોએ પહેલાંથી જ દરખાસ્ત કરી દીધી હતી. આ સ્કૂલોની ફી હજુ પણ નક્કી ના થતાં વિકટ પરિસ્થિતિ સર્જાઈ છે.
તો કમિટિની ધીમીગતિની કામગીરીથી દરખાસ્ત કરેલી સ્કૂલો હજુ પણ ફીના ઓર્ડરથી વંચિત રહી ગઈ છે. જ્યારે સીબીએસઈ આઈસીએસઈ ઈન્ટરનેશનલ બોર્ડ ગુજરાત બોર્ડ વગેરે સાથે સંકળાયેલી સ્કૂલો સુપ્રિમમાં ગઈ છે. જેની દરખાસ્તનો આજે અંતિમ દિવસ હોવા છતા પણ ખાનગી સ્કૂલો દ્વારા દરખાસ્ત કરવામાં આવી નથી.
તો બીજી તરફ આવી જ કેટલીક ખાનગી સ્કૂલોએ નવા વર્ષની ફીની ઉઘરાણી વાલીઓ અને વિદ્યાર્થીઓ સાથે કરી દીધી છે. તો હવે ફી નિયમનને લઈને ક્યારે વાલીઓને ન્યાય મળશે એ જોવાનું રહ્યું.