ગુજરાતમાં કોરોના કુલ કેસ ઍક્ટિવ ડિસ્ચાર્જ મોત
  • Home
  • Gujarat
  • Dharma
  • Last Day Of Ambaji Fair 2019, know the timings of the Ambaji Temple

બોલ મારી અંબે... / ભાદરવી પૂનમના મેળામાં મા અંબાના ભક્તોનું ઘોડાપૂર, 16 લાખ લોકોએ દર્શન કર્યા

Team VTV 12:24 PM, 14 Sep 19 | Updated: 01:05 PM, 14 Sep 19
Last Day Of Ambaji Fair 2019, know the timings of the Ambaji Temple

8 સપ્ટેમ્બરથી શરૂ થયેલા ભાદરવી મેળાનો આજે છેલ્લો દિવસ છે. અત્યારસુધી લગભગ 16 લાખથી વધુ ભક્તોએ મા અંબાના દર્શનનો લાભ લીધો છે. મેળાના છેલ્લા દિવસે 2 લાખથી વધુ ભક્તો દર્શનનો લાભ લે તેવી શક્યતા છે.

  • અંબાજી મહામેળામાં ભાવિક ભક્તોનો ઘટાડો
  • 6 દિવસમાં 16 લાખ 34 હજાર ભક્તોએ કર્યા દર્શન
  • આજે 2.5 લાખ માઇભક્તો કરી શકે છે દર્શન
  • 2 લાખ 75 હજાર પ્રસાદના પેકેટનું વિતરણ થયું
અંબાજી મંદિરમાં છેલ્લા દિવસે ભક્તોની લાગી લાંબી લાઈન

સીએમ રૂપાણીના હસ્તે બનાસકાંઠામાં શરૂ થયેલા અંબાજી મેળાનો આજે છેલ્લો દિવસ છે. ઉલ્લેખનીય છે કે આ વર્ષે મેળામાં અંદાજે લગભગ 16 લાખથી વધુ લોકોએ લાભ લીધો છે. ઉલ્લેખનીય છે કે અંબાજીના મહામેળામાં ભાવિક ભક્તોનો ઘટાડો થયો છે. મેળાના છેલ્લા દિવસે 2 લાખ જેટલા શ્રદ્ધાળુઓ આવે તેવી શક્યતા છે.

આજે છેલ્લો દિવસ હોવાના કારણે ભક્તોની ભીડને ધ્યાનમાં રાખીને ભાદરવી પૂનમે અંબાજી મંદિરનો દર્શનનો સમય બદલાયેલો રહેશે.  મંદિરના દર્શનના સમયમાં આ મુજબ ફેરફાર કરાયા છે. 

આરતી સવારે-૬.૧૫થી ૬.૪૫
દર્શન સવારે-૬.૪૫થી ૧૧.૩૦
દર્શન બંધ-૧૧.૩૦થી ૧૨.૩૦
દર્શન બપોરે-૧૨.૩૦થી ૧૭
દર્શન બંધ-૧૭થી ૧૯, 
આરતી સાંજે-૧૯થી ૧૯.૩૦
દર્શન સાંજે-૧૯.૩૦થી ૧.૩૦ 
દર્શન બંધ સાંજે-૧.૩૦થી ૬.૧૫.

ગહરાજ્યમંત્રી પ્રદીપસિંહ જાડેજાએ પરિવાર સાથે અંબાજી મંદિરે કરી પૂજા અર્ચના

મેળાના છેલ્લા દિવસે ગૃહરાજ્યમંત્રી પ્રદીપસિંહ જાડેજાએ મા અંબાના દર્શનનો લાભ લીધો. તેઓએ પરિવાર સાથે મંદિરમાં પૂજા અર્ચના કરી આરતીનો પણ લાભ લીધો. છેલ્લા દિવસે જિલ્લા પોલીસ પણ મંદિરમાં મા અંબેને ધ્વજા ચઢાવશે. બનાસકાંઠાના પ્રસિદ્વ યાત્રાધામ અંબાજીમાં સાત દિવસીય ભાદરવી પૂનમના મહામેળાનો આજે શનિવારે અંતિમ દિવસ છે. મહામેળામાં અત્યાર સુધી 20 લાખથી વધુ ભાવિકોએ મા અંબાના દર્શન કર્યા છે. દૂર-દૂરથી લાખો પદયાત્રિકો માના ચરણોમાં શીશ ઝૂકાવી પાવન બન્યા હતા.

Banaskantha gujarat Ambaji Temple Ambaji Fair Last Day અંબાજી મેળો દર્શન ધર્મ
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ