રાહત / ITR ફાઇલ કરવાની છેલ્લી તારીખ વધી, હવે આ તારીખ સુધી ભરી શકશો ટેક્સ

સરકારે ઇન્કમ ટેક્સ રિટર્ન દાખલ કરવાની અંતિમ તારીખ એક મહિનાની વધારીને 31 ઑગસ્ટ કરી નાંખી છે. આ નિર્ણયથી લોકોને ખૂબ જ રાહત મળી છે કારણ કે ઇન્કમ ટેક્સ રિટર્ન ફાઇલ કરવામાં ઘણા પ્રકારની સમસ્યાનો સામનો કરવો પડી રહ્યો હતો. ઘણી સંસ્થાઓએ આ વાતની અપીલ કરી હતી કે ઇન્કમ ટેક્સ રિટર્ન ભરવાની તારીખ વધારવામાં આવે. 

આ વર્ષે CBDT એ TDS રિટર્ન કરવાની અંતિમ તારીખ 31 મે થી વધારીને 30 જૂન કરી દીધી હતી અને ત્યારબાદ ફોર્મ 16 જારી કરવાની તારીખ પણ 15 જૂનથી વધારીને 31 જુલાઇ થઇ ગઇ. કેટલાક લોકો આઇટીઆર ભરવા માટે પોતાના ફોર્મ 16 ની રાહ જોઇ રહ્યા હતા. 

The categories of taxpayers includes all taxpayers who were liable to file their Income Tax Returns by 31st of July, 2019 & can now file their Income Tax Returns by 31st of August, 2019.

— Income Tax India (@IncomeTaxIndia) July 23, 2019

જો પહેલા નક્કી કરવામાં આવેલી તારીખ એટલે કે 31 જુલાઇ સુધી કોઇ પોતાની આઇટીઆર ફાઇલ કરી ના શકત તો ડિસેમ્બર સુધી ફાઇલ કરવા પર એને 5000 રૂપિયા સુધીની ફી ભરવી પડતી. જો 1 જાન્યુઆરીથી 31 માર્ચની વચ્ચે ઇનકમ ટેક્સ રિટર્ન ફાઇલ કરવામાં આવે તો 10 હજાર રૂપિયાની ફી ભરવી પડતી. નાણાંકીય વર્ષ 2018 19 બાદ ગ્રેન્ડફાધરિંગ ક્લૉજના કારણે લૉન્ગ ટર્મ કેપિટલ ગેન ટેક્સ અને ઇક્વિટી મ્યૂચ્યુઅલ ફંડની ગણનાની રીત પણ ખૂબ કઠિન થઇ ગઇ હતી.