30 જૂન પછી આધાર સાથે પાન લિંક કરવા પર ડબલ દંડ ભરવો પડશે. તેથી જો તમે હજી સુધી પાન સાથે આધાર લિંક નથી કર્યું, તો શક્ય તેટલી વહેલી તકે તેને પૂર્ણ કરો.
પાન અને આધારને લિંક કરવું ફરજીયાત
30 જૂન પછી આધાર સાથે પાન લિંક કરવા પર ડબલ દંડ
ત્યાર પછી ડબલ એટલે 1000નો દંડ ભરવો પડશે
આધાર સાથે પાનને તાત્કાલિક લિંક કરો
પાન કાર્ડને આધાર કાર્ડ સાથે લિંક કરવાની છેલ્લી તારીખ હવે પૂરી થવા આવી છે. 30 જૂન બાદ પાનને આધાર સાથે લિંક કરવા પર ડબલ દંડ ભરવો પડશે. તેથી જો તમે હજી સુધી કામ પૂરું કર્યું નથી, તો ત્રણ દિવસની અંદર તેને પૂર્ણ કરો. જો તમે 30 જૂન પહેલા તમારા પાનને આધાર સાથે લિંક કરાવો છો, તો દંડ ઓછો આપવો પડશે. આ પહેલા છેલ્લી તારીખ 31 માર્ચ 2022 નક્કી કરવામાં આવી હતી, પરંતુ 500 રૂપિયાના દંડ સાથે પાનને આધાર સાથે લિંક કરવાની તારીખ 30 જૂન સુધી વધારી દેવામાં આવી હતી. 31 માર્ચ પહેલા આધારને પાન સાથે લિંક કરવાની સુવિધા બિલકુલ ફ્રી હતી.
1000નો દંડ ભરવો પડશે
આવકવેરા કાયદાની કલમ 234H મુજબ 31 માર્ચ 2023 સુધી પાનને આધાર સાથે લિંક કરવા પર 1000 રૂપિયા સુધીનો દંડ ભરવો પડશે. આવતા વર્ષ સુધી તમારું પાન આધાર સાથે લિંક થયા વગર કામ કરતું રહેશે. આ સાથે તમારે 2022-23ના આઇટીઆર ફાઇલ કરવાની અને રિફંડ ફાઇલ કરવાની પ્રક્રિયામાં કોઇ પણ પ્રકારની મુશ્કેલીનો સામનો કરવો પડશે નહીં, પરંતુ 31 માર્ચ 2023 પછી તમારું પાન નિષ્ક્રિય થઇ જશે. ત્યાર બાદ તમારી મુશ્કેલીઓ વધી શકે છે.
ભારે દંડ થઈ શકે છે
જો તમારું પાન એક વખત ડિએક્ટિવેટ થઇ જાય તો તમે અનેક પ્રકારના કામ નહીં કરી શકો. તમે તમારા પાન કાર્ડથી મ્યુચ્યુઅલ ફંડ, સ્ટોક્સ અને બેંક એકાઉન્ટ ખોલવા જેવી વસ્તુઓ કરી શકશો નહીં. આ સિવાય જો તમે તમારા બંધ પાનકાર્ડનો ઉપયોગ ક્યાંય પણ દસ્તાવેજ તરીકે કરો છો તો તમને દંડ થઈ શકે છે. આવકવેરા અધિનિયમ, 1961ની કલમ 72B હેઠળ તમને 10 હજાર રૂપિયા સુધીનો દંડ થઈ શકે છે.
પાનને આધાર સાથે કેવી રીતે જોડવું
- આવકવેરાની સત્તાવાર વેબસાઇટ www.incometax.gov.in લોગ ઇન કરો
- ક્વિક લિંક્સ વિભાગમાં જાઓ અને લિંક આધાર પર ક્લિક કરો
- તમારી સ્ક્રીન પર નવી વિન્ડો ખુલશે
- અહીં તમારો પાન નંબર, આધાર નંબર અને મોબાઇલ નંબર ભરો
- 'I validate my Aadhar details' નો વિકલ્પ પસંદ કરો
- તમને તમારા રજીસ્ટર્ડ મોબાઇલ નંબર પર ઓટીપી મળશે. તેને દાખલ કરો અને પછી 'Validate' પર ક્લિક કરો
- દંડ ભર્યા બાદ તમારું પાન અને આધાર લિંક થઇ જશે
કેવી રીતે ભરવો દંડ
- પાન-આધાર લિંક માટે આ પોર્ટલ પર જાઓ https://onlineservices.tin.egov-nsdl.com/etaxnew/tdsnontds.jsp
- પાન-આધાર લીકિંગની વિનંતી માટે CHALLAN NO./ITNS 280 પર ક્લિક કરો અને Tax Applicable પસંદ કરો
- ફીની ચુકવણી માઇનોર હેડ 500 અને મેજર હેડ 0021 હેઠળ એક જ ચલણમાં કરવાની રહેશે
- નેટબેન્કિંગ અથવા ડેબિટ કાર્ડથી ચુકવણીની પદ્ધતિ પસંદ કરો
- તમારો પાન નંબર દાખલ કરો અને એસેસમેન્ટ વર્ષ પસંદ કરો, પછી સરનામું દાખલ કરો
- છેલ્લે કેપ્ચા ભરો અનેProceed પર ક્લિક કરો