બ્રિટનમાં કોરોનાની વચ્ચે એક નવા વાયરસની એન્ટ્રી થતા હડકંપ મચ્યો છે.
બ્રિટનની ફરી વાર બેઠી માઠી દશા
લાસા ફીવર નામનો નવા વાયરસનો કેર
અત્યાર સુધી 3 લોકોના મોત
કોરોના મહામારીની વચ્ચે દુનિયામાં લાસા ફીવર નામના જીવલેણ વાયરસની એન્ટ્રી થતા ચિંતા વધી છે. આ વાયરસથી બચતા રહેવાની જરુર છે તે જીવલેણ છે અને લોકોમાં ફેલાતા વાર નથી લાગતી. બ્રિટનમાં કોરોના વાયરસ સંકટ વચ્ચે નવા વાયરસ કેર વર્તાવી રહ્યો છે. લાસા ફીવર નામના નવા વાયરસની 3 લોકોમાં પુષ્ટિ થઈ છે અને તે તમામના મોત થયા છે. લાસા ફીવરથી સંક્રમિત ત્રીજા દર્દીનું આજે મોત થયા ચિંતા વધી છે. યુકેની હેલ્થ સિક્યોરિટી એજન્સી (UKHSA)એ પણ અનેક કેસોની પુષ્ટિ કર્યા બાદ નવા મૃત્યુની જાણ કરી હતી. પૂર્વી ઇંગ્લેન્ડમાં એક પરિવાર પશ્ચિમ આફ્રિકાના પ્રવાસેથી પરત ફર્યા બાદ ત્રણ લોકો સંક્રમિત મળી આવ્યા છે. બેડફોર્ડશાયર હોસ્પિટલ એનએચએસ ફાઉન્ડેશન ટ્રસ્ટના પ્રવક્તાએ જણાવ્યું હતું કે: "અમે અમારા ટ્રસ્ટના દર્દીના દુ: ખદ મૃત્યુની પુષ્ટિ કરીએ છીએ, જેને લાસા તાવ હતો. અમે આ મુશ્કેલ સમયમાં તેમના પરિવાર પ્રત્યે સંવેદના વ્યક્ત કરીએ છીએ.
ઉત્પત્તિ નાઇજિરીયાના લાસામાં
લાસા વાયરસ ઇબોલા પરિવારનો છે પરંતુ તે એટલો બધો જીવલેણ કે ચેપી નથી. પશ્ચિમ આફ્રિકાના ઘણા દેશોમાં સ્થાનિક જાહેર કરવામાં આવી હતી. કેટલાક લોકો લાસા તાવના ચેપ પછી સંપૂર્ણપણે સાજા થઈ જાય છે, જ્યારે કેટલાક લોકો ખરાબ રીતે બીમાર પડે છે. તેનો ઉદ્ભવ ઉત્તરી નાઇજિરીયાના લાસા શહેરમાં થયો હતો. જે બાદ તાવનું નામ લસા પડ્યું. રોગનો ચેપ લાગ્યા પછી લક્ષણો દેખાવામાં 21 દિવસનો સમય લે છે અને ચેપગ્રસ્ત શરીરમાંથી નીકળતા પ્રવાહી દ્વારા ફેલાય છે.
લાસા તાવના લક્ષણો શું છે?
લાસા તાવના મોટાભાગના કેસમાં દર્દીમાં કોઈ લક્ષણો જોવા મળતા નથી પરંતુ આ રોગના લક્ષણોમાં તાવ, થાક, ઉબકા, ઉલટી, ઝાડા, માથાનો દુખાવો, પેટમાં દુખાવો અને ગળામાં દુખાવો વગેરેનો સમાવેશ થાય છે.
લાસાથી બચતા રહેવાની નિષ્ણાંતોની સલાહ
નિષ્ણાંતોએ લાસા ફીવરથી બચતા રહેવાની લોકોને ચેતવણી આપી છે. કારણ કે આ વાયરસ લોકોમાં ફેલાતા વાર નથી લાગતી અને તે ખૂબ ચેપી હોવાનું પણ વૈજ્ઞાનિકોનું કહેવું છે.