સાબરમતી જેલમાં બંધ કેદીઓને પોતાના કેસોને લગતી તમામ હકીકતો, સુનાવણીનું જીવંત પ્રસારણ જોઈ શકશે અને પેરોલ, ફર્લો, અને જામીન અંગેની અરજીઓનું ઈ-ફાઇલિંગ કરી શકશે
સાબરમતી જેલ બની ડિજિટલ
ઈ-ફાઈલિંગ પોર્ટલની શરૂઆત
કેદીઓ કરશે ઓનલાઈન અરજી
સાબરમતી મધ્યસ્થ જેલ ખાતે ઈ-ફાઈલિંગ પોર્ટલનું ગુજરાત હાઇકોર્ટના ચીફ જસ્ટિસ વિક્રમનાથ દ્વારા ઉદ્ઘાટન કરવામાં આવ્યું હતું..દેશમાં લગભગ ગુજરાત એવું પ્રથમ રાજ્ય હશે જ્યાં હાઇકોર્ટ દ્વારા તમામ કેસોનું જીવંત પ્રસારણ કરવામાં આવી રહ્યું છે.15 ઓગસ્ટ સ્વતંત્રપર્વની ઉજવણી સંદર્ભે ગુજરાત હાઈકોર્ટના મુખ્ય ન્યાયાધીશે જેલની મુલાકાત લીધી અને ઇ ફાઇલિંગ સેવા શરૂ કરી હતી.
જેના થકી જેલમાં બંધ કેદીઓને પોતાના કેસોને લગતી તમામ હકીકતો, સુનાવણીનું જીવંત પ્રસારણ જોઈ શકશે અને પેરોલ, ફર્લો, અને જામીન અંગેની અરજીઓનું ઈ-ફાઇલિંગ કરી શકશે. મહત્વનું છે કે, પહેલા કાગળો પર કરવામાં આવતી તમામ પ્રક્રિયામાં લાગતો સમય બચશે અને ઝડપી પ્રક્રિયા થશે. આ પ્રસંગે કેદીઓને સંબોધન કરતા મુખ્ય ન્યાયાધીશે કહ્યું કે, ટેકનોલોજી અદ્યતન થઈ રહી છે ત્યારે દરેકને પોતાના અધિકારો મેળવવાની સુવિધાઓ પ્રાપ્ત થાય તે હેતુ છે. જેલમાં બંધ કેદીઓને જેલની બહારની દુનિયા અંગે માહિતી નહીં હોય પરંતુ તેમના સારા આચરણ કે વર્તણુકથી તેઓ જેલમુક્ત થઈ શકે છે.
વે ડોક્યુમેન્ટ જમા કરાવવા માટે કોર્ટ સુધી જવું પડશે નહીં
ગુજરાત હાઇકોર્ટમાં પેપરલેસ ઇ-સેવા કેન્દ્ર શરૂ કરાશે. ગુજરાત હાઇકોર્ટમાં ઇ-સેવા કેન્દ્રથી અરજદારો, વકીલો, પક્ષકારોનો સમયનો બચાવ થશે. હવે ડોક્યુમેન્ટ જમા કરાવવા માટે કોર્ટ સુધી જવું પડશે નહીં. `માય કેસ સ્ટેટ્સ' મારફતે કોર્ટમાં ડોક્યુમેન્ટ જમા કરાવાના રહેશે. `માય કેસ સ્ટેટસ' પર મેઈલ કરવાથી કેસની વિગતો,અરજીઓ થઇ શકશે. ગ્રામ્ય વિસ્તારોઓમાંથી આવતા માટે ઇ-સેવા કેન્દ્ર આશીર્વાદ રૂપ બનશે. કેસની તારીખ જાણવા કેસનું સ્ટેટસ સાઇટ પરથી મળી રહેશે. ગુજરાત હાઇકોર્ટ કેસ કાર્યવાહી બાદ ઇ-કેન્દ્ર પણ શરૂ કર્યા છે.
ગુજરાત હાઈકોર્ટમાં ફિઝીકલ હિયરિંગની થશે શરૂઆત
ગુજરાતમાં લાંબા સમયબાદ હવે હાઈકોર્ટના દરવાજા ખુલશે. કોરોના મહામારીના કારણે તમામ કોર્ટની કામગીરી બંધ કરી દેવાઈ હતી. પરંતુ જેમ-જેમ ગુજરાતમાં કોરોનાના કેસ ઘટ્યા તેમ ઓનલાઈન હિયરિંગ શરૂ કરાઈ હતી. જે બાદ ડિસ્ટ્રિક્ટ અને મેટ્રો કોર્ટને ખોલવામાં આવી હતી. અને આ કોર્ટમાં ફિઝિકલ હિયરિંગ શરૂ થઈ છે. જે બાદ હાઈકોર્ટના દરવાજા ખુલી રહ્યા છે. જો કે, આજ સુધી ઓનલાઈન હિયરિંગ ચાલુ હતી. આગામી 17મી ઓગસ્ટથી હાઈકોર્ટમાં ફિઝીકલ હિયરિંગ શરૂ થશે.