દે દારુ.. / વલસાડ-ભરૂચમાં મોટા પાયે ઝડપાયો દારુ, ગેરકાયદે હેરફેર સાથે ખેપિયા ખુલ્લેઆમ,બેફામ

• દારૂબંધી વાળા ગુજરાતમાં દારુ ઝડપાય છે 
• વલસાડ- ભરૂચમાં દારુ ઝડપાવાનો સિલસિલો 
• દારુ ઝડપાય છે તેના કરતા વધુ ઘૂસી જાય છે;સુત્ર 

ગુજરાતમાં દારૂબંધી હોવા છતાં મોટા પ્રમાણમાં દારૂનુ વેચાણ થતુ હોવાના દાવા વિપક્ષી પાર્ટી સહિતના લોકો કરે છે. આ બધા વચ્ચે દરરોજ રાજ્યના અનેક વિસ્તારોમાંથી દારૂના જથ્થા પણ ઝડપાય છે. રાજ્યમાં લાંબા સમયથી દારૂબંધીનો કાયદો અમલમાં છે તેમ છતાં વિવિધ વિસ્તારોમાંથી મોટા પ્રમાણમાં દારૂના જથ્થા ઝડપાવાથી દારૂબંધીના કાયદાની અસરકારકતા  ઉપર પણ સવાલો ઉઠી રહ્યા છે. વલસાડના પારડી તાલુકાના માંગેલવાડ જેટ્ઠી પરથી 1.03 લાખનો દારૂ ઝડપાયો હતો.  જેમાં 5.53 લાખના મુદ્દામાલ સહિત એક આરોપીની અટકાયત કરવામાં આવી હતી.

ભરૂચ-અમદાવાદમાં પણ ઝડપાયો 

ભરૂચ ક્રાઈમ બ્રાન્ચે નેશનલ હાઈવે નંબર 48 પરથી 2 લાખથી વધુ દારૂ સહીત 2 આરોપીને ઝડપી પાડ્યા હતા.  આ સીવાય અમદાવાદના સોલામાં મોનિટરિંગ સેલે પણ 800 પેટી વિદેશી દારૂ સાથે ટ્રક ઝડપી પાડી હતી. જેથી આવી ખબરો સામે આવતાં લોકોમાં એ પણ ચર્ચા થાય છે કે રાજ્યમાં દારૂબંધીનો કાયદો હોવા છતાં આ પ્રતિંબધીત દારૂ આવે છે ક્યાંથી? આ સાથે ગુજરાતની બોર્ડરો પર પેટ્રોલીંગ કરતી પોલીસની કાર્યવાહી ઉપર પણ સવાલો ઉઠવા વ્યાજબી છે.