કોરોના વાયરસનો કહેર અમેરિકામાં જોવા મળી રહ્યો છે ત્યારે હવે સુનામીને લઇને ખતરાનો માહોલ જોવા મળી રહ્યો છે. અલાસ્કાના તટ પર સોમવારે પહેલા 7.5ની તીવ્રતાનો ભૂકંપનો આંચકો અનુભવાયો છે. ત્યારબાદ સુનામીની ચેતવણી જાહેર કરી દેવામાં આવી જેના કારણે લોકો સુરક્ષિત જગ્યાએ જવા લાગ્યા. કેટલીક જગ્યાઓ પર 1.5 થી 2 ફૂટ ઊંચી સુનામીની લહેર ઉઠેલી જોવા મળી. ત્યારબાદ ચેતવણીને સૂચનામાં તબદીલ કરી દેવામાં આવી.
આ ભૂકંપ જમીનથી 41 કિમી નીચે સેંડ પોઇંટ શહેરથી 94 કીમી દૂર હતું. સુનામીની ચેતાવણી કેનેડી એન્ટ્રેસ થી યૂમિેક પાસ સુધી જાહેર કરવામાં આવી. નેશનલ ઓશિએનિક એંડ અટમોસ્ફીરિક એડમિનિસ્ટ્રેશન (NOAA) એના જણાવ્યાં અનુસાર બપોરે અંદાજે 5 વાગે (ઇસ્ટર્ન સ્ટેન્ડર્ડ ટાઇમ) 7 .4ની તીવ્રતાના ભૂકંપના આંચકા અનુભવાયાં. ત્યાર પછી તીવ્રતાને ફરી અપગ્રેડ કરવામાં આવી. અલાસ્કા ભૂકંપ કેન્દ્ર મુજબ પહેલો એક આંચકો અને ત્યાર બાદ બે વધુ આંચકા અનુભવાયા જેની તીવ્રતા 5 થી વધારે હતી.
ભૂકંપ પ્રભાવિત વિસ્તારોમાં લોકોને સંદ દ્વારા સુનામીની ચેતવણી પણ મોકલવામાં આવી. નેશનલ વેધર સર્વિસનાલોકોએ એલર્ટ કર્યું કે શક્તિશાળી લહેરે અને કરંટનો તેમના નજીકના તટ અસર જોવા મળી શકે છે. લોકોને ખતરાને લઇને સતર્ક કરતાં દરિયા કિનારાથી દૂર રહેવા માટે કહેવામાં આવ્યું. આ સાથે ઉંચાઇવાળા વિસ્તારમાં જવા માટે જણાવામાં આવ્યું.
ત્યાર બાદ લોકો સુરક્ષિત સ્થાનો પર જવા લાગ્યા. સેંડ પોઇન્ટમાં કેટલીક જગ્યા પર સુનામીની નાની લહેર પણ જોવા મળી. જો કે ત્યાર પછી NOAAએ અલર્ટ ને સુચનામાં પરિવર્તિત કરી દીધી. આ સાથે જાણકારી આપવામાં આી કે સુનામીની લહેરોના કારણે વધારે નુકસાનની આશંકા નથી.