ભૂસ્ખલન / હિમાચલ પ્રદેશ: શિમલામાં નેશનલ હાઈવે 5 પર ભૂસ્ખલન, ભારે માત્રામાં કાટમાળ પડતા રસ્તા પર ટ્રાફિક જામ

• હિમાચલ પ્રદેશમાં ફરી ભૂસ્ખલન 
• શિમલાના હાઈવે નં-5 પર થયું ભૂસખ્લન 
• ભારે કાટમાળને કારણે હાઈવે પર ટ્રાફીક જામ 

#WATCH | Himachal Pradesh: NH-5 blocked due to a landslide near Shimla's Jeori area. No human or property loss reported yet. District administration has deployed SDM, Rampur and a police team to assess the situation. pic.twitter.com/Dkxy24ex8I

— ANI (@ANI) September 6, 2021

હિમાચલ પ્રદેશમાં આવેલ શિમલામાં ફરી એક વાર ભૂસ્ખલનનો થયું છે. હાઈવે નંબર 5 પર આ ભૂસ્ખલનનો બનાવ બન્યો છે. સવારના સમયે અહીયા એકાએક પહાડો પરથી કાટમાળ પડવાનો શરૂ થયો જેના કારણે લોકોને ભારે હાલાંકીનો સામનો કરવો પડ્યો હતો. સાથેજ હાઈવે પર પણ ભારે ટ્રાફિક જામ થઈ ગયો છે. 

કિન્નોર જવાનો રસ્તો બંધ 

શિમલા જિલ્લામાં આવેલ રામપુર ઉપમંડલ પાસે આવેલ નેશનલ હાઈવે નંબર 5 પર આ ભૂસ્ખલનનો બનાવ સામે આવ્યો છે. રસ્તા પર કાટમાળ પડવાને કારણે કિન્નોર જવાનો રસ્તો પણ બંધ થઈ ગયો છે. 

Shimla landslide. Watch the whole thing. @IndiaToday pic.twitter.com/CbguKmKuRH

— Shiv Aroor (@ShivAroor) September 6, 2021

એક મહિનામાં બીજી વાર ભૂસ્ખલન 

આપને જણાવી દઈએ કે થોડાક દિવસો પહેલાજ કિન્નોરમાં પણ એક ભૂસ્ખલનનો બનાવ બન્યો હતો. ત્યારે પણ આજ રીતે પહાડો પરથી કાટમાળ પડ્યો હતો જેમા ઘણા લોકો ફસાઈ ગયા હતા. આ ઘટના ઓગસ્ટ મહિનાના શરૂઆતમાંજ ઘટી હતી અને ફરી એક મહિનામાં ફરી અહીયા ભૂસ્ખલનનો મામલો સામે આવ્યો છે. 

કાટમાળ પડવાને કારણે હાઈવે બ્લોક 

અગાઉ જ્યારે ભૂસ્ખલન થયું હતું ત્યારે તે ઘટનામાં કુલ 25 લોકોના મોત થયા હતા. જોકે આ વખતે જે ભૂસ્ખલનની ઘટના બની છે. તેમા જાનમાલને નુકશાન થયું હોય તેવી કોઈ માહિતી સામે નથી આવી. પરંતુ રસ્તા પર ભારે માત્રામાં કાટમાળ પડવાને કારણે હાઈવે બ્લોક થઈ ગયો છે. જેના કારણે ત્યા ભારે ટ્રાફિક જાય સર્જાયો છે.