ગઢડા તાલુકાના ચિરોડા ગામે મોડી રાત્રે કોઈ અજાણ્યા શખ્સો મકાનમાં આવી મકાન માલીકને રૂમમાં બાધી ને રુમમા રહેલ કબાટમા રહેલા રૂપિયા 11થી 12 લાખ રૂપિયાની લૂંટ થયાની ઘટનાથી સનસનાટી
ગઢડાના ચિરોડા ગામે થઈ લાખો રૂપિયાની લૂંટ
અંદાજીત 11 થી 12 લાખ રોકડા લૂંટી આરોપી ફરાર
પાંચ શખ્સોએ ચલાવેલી લૂંટ,જાણભેદુ હોવાની આશંકા
ગઢડા તાલુકાના ચિરોડા ગામે મોડી રાત્રે કોઈ અજાણ્યા શખ્સો મકાનમાં આવી મકાન માલીકને રૂમમાં બાધી ને રુમમા રહેલ કબાટમા રહેલા રૂપિયા 11થી 12 લાખ રૂપિયાની લૂંટ થયાની ઘટનાથી સનસનાટી મચી ગઈ છે. આ ઘટનામાં મકાન માલીકના ગળામાં રહેલ સોનાની ચેન પણ લૂંટી ગયા હતા.
બોટાદના નાના એવા ગામમાં મકાન માલીક ને ઢોર માર મારી ,બાથરૂમમાં બંધ કરી રોકડા કરોડો રૂપિયાની લૂંટ થયાથી પોલીસ પણ ચોંકી ઉઠી છે. આ ઘટનામાં ચોક્કસ કોઈ જાણભેદુઓ જ હોવાની આશંકાએ પોલીસે ચક્રો ગતિમાન કર્યા છે. નાસી છુટયા હતા જયારે ઘટનાની જાણ થતાં જિલ્લા પોલીસ વડા હર્ષદ મહેતા, ડીવાયએસપી, પીઆઈ, એલ સી બી, ડોક સ્કવોડ સહિતનોપોલીસ કાફલો ઘટનાસ્થળે દોડી આવ્યો હતો
બોટાદ જિલ્લામાં કાયદો અને વ્યવસ્થા ની સથિત દિવસેને દિવસે કથળતી જાય છે જિલ્લામાં રોજ હત્યા, ચોરી, લૂંટ, મારામારી ની ઘટના બની રહી છે ત્યારે લાખો રૂપિયાની લુટની ઘટના સામે આવતા સનસનાટી મચી જવા પામી છે. જિલ્લાના ગઢડા તાલુકાના ચિરોડા ગામે રહેતા ખેડૂત રઘુભાઈ કેવડીયા ઉ. 55 જેઓ ખેતી કામ કરે છે તેઓએ આજથી બે મહિના પહેલા કપાસ વેચેલ જેની રકમ 11 થી 12 લાખ રૂપિયા તેના રૃમની તિજોરીમાં મુક્યા હતા.
ગત રાત્રીના રઘુભાઈ તેના રુમમા સુતા હતા તે દરમિયાન તે રાત્રે બાથરૂમ જવા માટે બહાર આવ્યા હતા ,દરમિયાન પાંચેક જેટલા શખ્સોએ રઘુભાઈની પાછળથી આવી માથે કપડું ઓઢાડી રૃમમાં બાંધી દીધા અને ઢોરમાર માર્યો હતો . માલિકને બાથરૂમમાં બંધ કરી ઘરની વસ્તુઓ ફેંદવા માંડ્યા હતા. સંદિગ્ધ જાણભેદુઓએ રૂપિયા 11 થી 12 લાખ રૂપિયા લૂંટીને જતા-જતા મકાન માલીક રઘુભાઈએ ગળામાં પહેરેલ સોનાનો ચેન આંચકી નાસી છુટયા હતા.