ખુશખબર / હવે લેન્ડલાઇન નંબર પણ થઇ શકશે પોર્ટ, નવો હશે આટલા આંકડાનો

ઉલ્લેખનીય છે કે, દૂરસંચાર નિયામકે ટેલીફોન રેગ્યુલેટરી ઓથોરિટી ઓફ ઇન્ડિયા એટલે કે ટ્રાઇને એક ડ્રાફ્ટ તૈયાર કરીને મોકલી આપ્યો છે. આ ડ્રાફ્ટ હેઠળ લેન્ડલાઇન ગ્રાહકોને પણ મોબાઇલની જેમજ પોતાનો નંબર પોર્ટ કરવાની સુવિધા મળી શકશે.

આ મામલે વાત કરતાં એક ઉચ્ચ અધિકારીએ જણાવ્યું કે, દૂરસંચાર નીતિ 2018 હેઠળ ફિક્સ્ડ લેન્ડ લાઇન નંબર પોર્ટેબિલિટીની યોજના તૈયાર કરવામાં આવી છે. તેનાથી સરકારને રાષ્ટ્ર એક નંબર યોજનાને મજબૂતાઇ પ્રાપ્ત થશે.

10 આંકડાનો થઇ જશે લેન્ડલાઇન નંબર
પોર્ટબલિટી લાગૂ થયાં બાદ લેન્ડલાઇન નંબર પણ મોબાઇલની જેમ જ 10 આંકડા થઇ જશે. અત્યારે લેન્ડલાઇન નંબર 7થી8 ડિજિટનો હોય છે. જેમાં 10 આંકડા બનાવવા માટે STD કોડને પણ સામેલ કરવામાં આવશે. આપને જણાવી દઇએ કે, મોબાઇલ નંબર પોર્ટ થતાં જેટલો સમય લાગી રહ્યો છે તેનાથી વધારે સમયગાળો લેન્ડલાઇનને પોર્ટ થતાં લાગી શકે છે.