આલોચના / લેંસેટે કહ્યું, મોદી સરકારની પ્રાથમિકતા કોરોના કંટ્રોલ કરવાની નહીં પણ ટ્વિટર પરની ટીકાઓને હટાવવાની છે

•  'ધ લેન્સેટ'ના અહેવાલમાં મોદી સરકારની ઝાટકણી
• મોદી સરકારની પ્રાથમિકતા કોરોના કંટ્રોલ કરવાની નહીં
• લેંસેટઃ ''PM મોદીનું કામ માફી લાયક નથી''

લેંસેંટમાં કહેવાયું છે કે પીએમ મોદીએ ગયા વર્ષે કોરોના મહામારીનું સફળ નિયંત્રણ કર્યું હતું પરંતુ બીજી લહેરનો સામનો કરવામાં જે ભૂલ થઈ છે તેની જવાબદારી પણ તેઓએ લેવી જોઈએ. રિપોર્ટમાં પીએમની ઝાટકણી કાઢવામાં આવી છે. તેમાં કહેવાયું છે કે પીએમ મોદીનું કામ માફી લાયક નથી.

ધ ઈન્સ્ટિટ્યુટ ફોર હેલ્થ મેટ્રિક્સ એન્ડ ઈવેલ્યુએશનનો સંપાદકીય અહેવાલ

અન્ય એક અહેવાલમાં કહેવાયું હતું કે ભારતમાં આ વર્ષે 1 ઓગસ્ટ સુધીમાં કોરોનાની મહામારીથી 10 લાખ લોકોના મોત થશે.  જો 1 ઓગસ્ટ સુધી 10 લાખના મૃત્યુ થશે તો મોદી સરકાર જવાબદાર હશે. મોદી સરકાર આ રાષ્ટ્રીય તબાહી માટે જવાબદાર હશે. આ સાથે જ રિપોર્ટમાં કોરોનાના સુપર સ્પ્રેડરના નુકસાન અંગે ચેતવણી આપવામાં આવી હતી. આમ છતાં સરકારે ધાર્મિક આયોજનને મંજૂરી આપી અને અનેક રાજ્યોમાં ચૂંટણીની રેલીઓનું આયોજન કર્યું હતું. મોદી સરકાર હાલમાં કોરોનાને નિયંત્રણમાં રાખવાને બદલે ટ્વિટર પર ટીકાઓને અંકુશમાં લેવાનું કામ કરી રહી છે.  

મોદી સરકાર ઓપન ડિસ્કશનને હટાવવા પર ભાર આપી રહી છે

હોસ્પિટલોમાં દર્દીઓ ઓક્સિજન મળતો ન હતો, ભારતમાં મેડિકલ ટીમ પણ થાકી ગઇ છે અને સંક્રમિત થઇ રહી છે. તો સાથે જ હેલ્થ મિનિસ્ટર ડો.હર્ષવર્ધન કોરોના ખતમ થઇ ગયો તેવી જાહેરાત કરતા હતા. સારા મેનેજમેન્ટ સાથે કોરોનાને હરાવ્યો તેવો દાવો કરતા હતા. બીજી લહેરની વારંવાર ચેતવણી આપવામાં આવી તેમ છતાં સરકારે ધ્યાન ન આપ્યું અને કોરોના ફેલાયો.
 

કોંગ્રેસે સાધ્યું સરકાર પર નિશાન
કોંગ્રેસે મોદી સરકાર પર નિશાન સાધ્યું છે. પાર્ટી મહાસચિવ અજય માકને લેંસેટને કહ્યું કે ભારત મોદી સરકાર નિર્મત આપદા છે. સ્વનિર્મિત એટલે કે મોદી સરકાર નિર્મિત રાષ્ટ્રિય મુશ્કેલીનો સામનો ભારત કરી રહ્યું છે. આવનારા 80 દિવસોમાં 7 લાખ લોકોના મોતનું અનુમાન છે. તેઓએ સ્વાસ્થ્ય મંત્રીને પણ હટાવવાની માંગ પત્ર લખીને કરી છે. સાથે દરેકને માટે વેક્સીનેશનની માંગ કરી છે. સરકાર આઈએમએ અને લેંસેટને શ્રેય આપવાની વાત કહી છે.