અમરેલીના રાજુલા ખાંભા રોડ પાસે સિંહણ લટાર મારતી હોય તેવો વિડીયો વાયરલ થયો છે. આદસંગ નજીક આવેલ ડુંગરમાં પગે લંગડાતી સિંહણનો વિડીયો વાયરલ થયો છે.
સિંહણ આગળના પગે લંગડાતી હોવાથી છેલ્લા એક અઠવાડિયાથી સિંહપ્રેમીઓ દ્વારા વનતંત્રને રજૂઆત કરવામાં આવી હતી. પરંતુ વનતંત્રએ સિંહપ્રેમીઓની રજૂઆતો સાંભળી પણ સિંહણની સારવાર ન કરતા સિંહપ્રેમીએ વિડીયો વાયરલ કરીને વનતંત્રની પોલ ખોલી નાખી છે.
આ ઘટના અંગે મળતી વિગત અનુસાર ગીરના અમરેલી પંથકના રાજુલા ખાંભા રોડ પાસે એક સિંહણ લટાર મારતી હોય તેવા દ્રશ્યો સ્થાનિક લોકોને જોવા મળતા ગામમાં વાતો ફરતી થઇ હતી.
આ સિંહણને પગમાં કોઇ ચીજ વાગી હોય તેવું દૂરથી દેખાતું હતું. જો કે આ મામલે સ્થાનિક લોકોએ વન વિભાગને જાણ કરી હતી પરંતુ વનતંત્ર દ્વારા સિંહણના પગને સાજો કરવાના કોઇ પ્રયાસો હાથ ધરવામાં આવ્યા નહોતા.
ઉલ્લેખનીય છે કે વનતંત્રને વારંવાર રજૂઆત કરવામાં આવી તેમછતાં આંખ આડા કાન કરતા તંત્રથી કંટાળી સ્થાનિક લોકો આ લંગડાતી સિંહણનો એક VIDEO ઉતારીને વાયરલ કરતા વનતંત્રની પોલી ખોલી નાંખી હતી. જો કે આ મામલે તંત્ર દ્વારા હજી સુધી કોઇપણ પણ પ્રકારના પગલાં નહીં લેવામાં આવતા લોકોએ તંત્રની કામગીરી પર ફિટકાર વરસાવ્યો હતો.