વાયુ પ્રદૂષણ પરની સુનાવણી દરમિયાન સુપ્રીમ કોર્ટે દિલ્હીની કેજરીવાલ સરકારને આકરી ફટકાર લગાવતા કેન્દ્ર અને રાજ્યોને વિશેષ નિર્દેશ આપ્યો છે.
દિલ્હીમાં વધતા વાયુપ્રદૂષણ પર સુપ્રીમ કોર્ટે કેજરીવાલ સરકારની ફટકાર
MCDનો ઉલ્લેખ કરતા દિલ્હી સરકાર પર ભડકી સુપ્રીમ
કહ્યું- આવા બહાના બતાવશો તો ઓડિટનો ઓર્ડર આપી દઈશું
વાયુ પ્રદૂષણ પરની સુનાવણી દરમિયાન જ્યારે દિલ્હી સરકારના વકીલ વિકાસ મેહરાએ MCDનો ઉલ્લેખ કર્યો ત્યારે સુપ્રીમની ખંડપીઠ ભડકી ઉઠી હતી. ખંડપીઠે જણાવ્યું કે શું તમે નગર નિગમો પર ઠીકરુ ફોડવાનો પ્રયાસ કરી રહ્યાં છો. કોર્ટે કહ્યું કે જો તમે આવું જ કરશો તો અમે સંપૂર્ણ ઓડિટનો ઓર્ડર આપવો પડશે. તમે પબ્લિસીટી પર તો ખૂબ ખર્ચ કરો છો.
એક અઠવાડિયું લોકડાઉન અને વર્ક ફ્રોમ હોમનો વિકલ્પ વિચારો-સુપ્રીમ કોર્ટ
સુનાવણી દરમિયાન સુપ્રીમની ખંડપીઠે એવું પણ જણાવ્યું કે દિલ્હી સરકાર અને રાજ્યોએ એક અઠવાડિયાના લોકડાઉન અંગે પણ વિચારણા કરવી જોઈએ. તથા પરાળી સળગાવતી પણ અટકાવવી જોઈએ.
વાયુપ્રદૂષણના મુદ્દે સુપ્રીમમાં એફિડેવિડ દાખલ કરવા દિલ્હી સરકારે જણાવ્યું કે દિલ્હી સરકાર વાયુપ્રદૂષણને નિયંત્રિત કરવા માટે ટોટલ લોકડાઉન લગાડવા તૈયાર છે પરંતુ ટોટલ લોકડાઉન ત્યારે કારગર નીવડે કે જ્યારે તેને સમગ્ર એનસીઆ વિસ્તારમાં લાગુ પાડવામાં આવે. દિલ્હીનો જટિલ આકાર જોતા લોકડાઉનની વાયુપ્રદૂષણ પર નહિવત અસર થશે.
"આવા બહાનાથી અમે મજબૂર બની જઈશું
ખંડપીઠે દિલ્હી સરકારના સલાહકારની ઝાટકણી કાઢી હતી અને કહ્યું હતું કે તેઓ ફરીથી એમસીડી પર જવાબદારી ઢોળવાનો પ્રયાસ કરી રહ્યાં છે. કોર્ટે કહ્યું કે તમારા આવા બહાના નહીં ચાલે, તમે પ્રચાર પર પણ તો ખૂબ ખર્ચ કરો છો.
ઈમરજન્સી બેઠક બોલાવો-સુપ્રીમ રાજ્યો અને દિલ્હી સરકારને આદેશ આપ્યો
સુપ્રીમ કોર્ટે હવે આ કેસની સુનાવણી 17 નવેમ્બર માટે મુલતવી રાખી છે. સુપ્રીમ કોર્ટે કેન્દ્ર અને એનસીઆર ક્ષેત્રના રાજ્યોને આ દરમિયાન કર્મચારીઓ માટે ઘરેથી કામ પર વિચાર કરવા જણાવ્યું હતું. પંજાબ, ઉત્તર પ્રદેશ અને હરિયાણાના મુખ્ય સચિવોને પણ આવતીકાલે કેન્દ્રની કટોકટીની બેઠકમાં હાજર રહેવા કહેવામાં આવ્યું છે. સુપ્રીમ કોર્ટે આવતીકાલે સાંજ સુધીમાં કેન્દ્ર અને રાજ્ય સરકાર પાસેથી જવાબ માંગ્યો છે કે કયા ઉદ્યોગોને અટકાવી શકાય છે, કયા વાહનોને ચાલતા અટકાવી શકાય છે અને કયા પાવર પ્લાન્ટને અટકાવી શકાય છે અને ત્યાં સુધીમાં તમે વૈકલ્પિક વીજળી કેવી રીતે પ્રદાન કરી શકો છો.