હુંકાર / PM બનવાની લાલચમાં નીતિશ કુમારે છૂરો માર્યો, લાલુજી સાચવજો: બિહારમાં બરાબરના ભડક્યાં ગૃહમંત્રી શાહ

• કેન્દ્રીય ગૃહમંત્રી અમિત શાહના પૂર્ણિયામાં આકરા પ્રહાર
• 2024માં લાલુ અને નીતીશના સૂપડા સાફ થઈ જશે: શાહ
• ...તો 2025માં બિહારમાં બની જશે ભાજપની સરકાર: શાહ

અમિત શાહે પૂર્ણિયામાં લાલુ પ્રસાદ યાદવ અને નીતિશ કુમાર પર પ્રહાર કરતા કહ્યું કે, 'મારી મુલાકાતથી લાલુ યાદવ અને નીતિશ કુમારના પેટમાં દુ:ખાવો થઇ રહ્યો છે.' અમિત શાહે લાલુજીને ચેતવણી આપતા કહ્યું કે, "નીતિશ બાબુ કાલે તમને પણ છોડીને કોંગ્રેસની ગોદમાં બેસી જશે. નીતિશ કુમારે સૌની સાથે દગો કર્યો છે. PM બનવાની લાલચમાં નીતિશ કુમારે છૂરો ભોંક્યો. પ્રતિષ્ઠિત સમાજવાદીના જોર્જ ફર્નાન્ડિસને પણ દગો આપ્યો. જોર્જનું સ્વાસ્થ્ય ખરાબ થતા જ તેઓને હટાવીને સમતા પાર્ટીના તેઓ રાષ્ટ્રીય અધ્યક્ષ બની ગયા. ત્યાર બાદ લાલુજી સાથે કપટ કર્યું.' આમ, અમિત શાહે લાલુ યાદવને નીતિશ કુમારને લઇને ચેતવણી આપી હતી.

#WATCH | Can Nitish babu become the PM by changing political alliances? He has betrayed many since he entered politics. Lalu ji, beware that Nitish babu might sit in Congress's lap tomorrow leaving you behind: Union Home Minister & BJP leader Amit Shah at Purnea, Bihar pic.twitter.com/Iw2jPOYK6w

— ANI (@ANI) September 23, 2022

નીતીશ કુમાર છરો ભોંકી RJD અને કોંગ્રેસના ખોળામાં બેસી ગયા: શાહ

અમિત શાહે નીતિશ કુમારને પૂછ્યું કે, 'તેઓ ઘાસચારા કૌભાંડ અંગે ઘણું બધુ બોલતા હતા, હવે શું કહેશે? ઘાસચારા કૌભાંડના લોકો તો તમારા મંત્રી બની ગયા છે.' શાહે કહ્યું કે નીતીશ કુમાર કોંગ્રેસ વિરોધી રાજનીતિની પીઠમાં છરો ભોંકી RJD અને કોંગ્રેસના ખોળામાં બેસી ગયા. તેઓ કહી રહ્યાં છે કે, 'હું અહીં ઝઘડો કરાવા આવ્યો છું. હું અહીં કોઈને ઝઘડો કરાવવા નથી આવ્યો. લાલુ પોતે લડાઈ શરૂ કરવા માટે કાફી છે. મોદીજીના શાસનમાં કોઈએ ડરવાની જરૂર નથી. નીતિશે કેવી રીતે પોતાના રાજકીય લાભ માટે તુરંત પક્ષ બદલી નાખ્યો.'

जब लालू जी सरकार में जुड़ गए हैं और नीतीश जी लालू की गोद में बैठे हैं। अब यहां डर का माहौल बन गया है। मैं आपको कहने आया हूं कि ये सीमावर्ती ज़िले भारत का हिस्सा हैं। किसी को डरने की जरूरत नहीं है। यहां पर नरेंद्र मोदी सरकार है: केंद्रीय गृह मंत्री अमित शाह pic.twitter.com/imKq7LsNAV

— ANI_HindiNews (@AHindinews) September 23, 2022

શું તમારે બિહારમાં ફરીથી જંગલ રાજ જોઈએ છે? : શાહ

અમિત શાહે કહ્યું કે જ્યારથી નીતીશે આરજેડી સાથે સરકાર બનાવી છે ત્યારથી બિહારમાં કાયદો અને વ્યવસ્થાની સ્થિતિ કથળી ગઇ છે. શું તમારે જંગલ રાજ જોઈએ છે? શું ફરીથી હિંસારાજ જોઈએ છે? શું તમારે ફરીથી અપહરણ રાજ જોઈએ છે? હવે બિહારમાં ભયનું વાતાવરણ સર્જાઇ ગયું છે.

Bihar | I'd like to ask Nitish Kumar & new minister Lalan Singh, people engaging in fodder scam became ministers in your cabinet, how will you catch them? And then he's (CM) attempting to think of banning CBI under Lalu's pressure. Danger of 'Jungle-raj' looms over Bihar: HM Shah pic.twitter.com/RnMztDLoQo

— ANI (@ANI) September 23, 2022

લાલુ-નીતીશની જોડી ઊઘાડી પડી ગઇ: શાહ

અમિત શાહે કહ્યું કે 2024માં લાલુ અને નીતીશના સૂપડા સાફ થઈ જશે. બિહારની જનતાએ તમને અત્યાર સુધી લાભ આપ્યા છે, પરંતુ હવે જનતા તમને ઓળખી ગઈ છે. હવે બિહારમાં ભાજપનું જ કમળ ખીલશે. લાલુ-નીતીશ પર પ્રહાર કરતા અમિત શાહે કહ્યું કે લાલુ-નીતીશની જોડી હવે ખુલ્લી પડી ગઈ છે. તેઓ બિહારને આગળ લઈ જઈ શકતા નથી. હવે બિહારને નરેન્દ્ર મોદીના નેતૃત્વમાં બનેલી ભાજપ સરકાર જ આગળ લઈ જઇ શકે છે.

In 2014, you (Bihar CM Nitish Kumar) only had 2 LS seats, 'naa ghar ke rahe the, naa ghaat ke'. Let the 2024 LS elections come, Bihar public will wipe out Lalu-Nitish duo. We're, with full majority, going to come to power here in 2025 polls: Union Home Min Amit Shah, in Purnea pic.twitter.com/idopn4kcZ7

— ANI (@ANI) September 23, 2022

બસ 2024માં બિહાર પોતાનો ફેંસલો સંભળાવી દે તો 2025માં ભાજપની સરકાર: શાહ

આરજેડી-જેડીયુ સરકાર પર પ્રહાર કરતા અમિત શાહે કહ્યું કે 'બિહારમાં જંગલરાજનો ખતરો છે. બસ 2024માં બિહાર પોતાનો ફેંસલો સંભળાવી દે તો 2025માં ભાજપની સરકાર બની જશે. છેલ્લા 3 વર્ષમાં ભાજપ સરકારે બિહારના જંગલોમાંથી ચરમપંથી ડાબેરીઓને નાબૂદ કર્યા. નરેન્દ્ર મોદીની સરકાર ગરીબોને સશક્ત કરી રહી છે.'