ઉત્તરપ્રદેશ / લખીમપુર ખીરી હિંસામાં કોઇનું મોત ગોળીથી નથી થયું, પોસ્ટમૉર્ટમ રિપોર્ટમાં થયો મોટો ખુલાસો

• લખીમપુર ખીરી હિંસા મામલો
• ઢસડાવા, મારપીટ અને બ્રેન હેમરેજથી થયા 8 મોત
• પોસ્ટમૉર્ટમ રિપોર્ટમાં ખુલાસો

આ રિપોર્ટમાં સામે આવ્યું છે કે, કોઇનું મોત આઘાત લાગવાથી તો કોઇનું હેમરેજથી થયું છે. પરંતુ પોસ્ટમૉર્ટમ રિપોર્ટમાં ગોળી વાગવાની વાત નથી કહેવામાં આવી. સોમવારે આ હિંસામાં માર્યા ગયેલા લોકોનું પોસ્ટમૉર્ટમ કરવામાં આવ્યું હતું.

પોસ્ટમોર્ટમ રિપોર્ટમાં મોતનું કારણ શું હતું?

1. લવપ્રીત સિંહ (ખેડૂત)
- ટક્કરથી મૃત્યુ. શરીર પર ઈજાઓ મળી આવી હતી. આઘાત અને હેમરેજ મૃત્યુનું કારણ.

2. ગુરવિંદર સિંહ (ખેડૂત)
- બે ઇજા અને ઢસડાવાના નિશાન મળ્યા. ધારદાર અને અણીવાળી વસ્તુથી ઇજા આવી. આઘાત અને હેમરેજ.

3. દલજીત સિંહ (ખેડૂત)
- શરીર પર કેટલીક જગ્યાએ ઢસડાવાના નિશાન. એજ બન્યું મોતનું કારણ.

4. છત્રસિંહ (ખેડૂત)
- મોત પહેલા આઘાત, હેમરેજ અને કોમા. ઢસડવાના પણ નિશાન મળ્યા.

5. શુભમ મિશ્રા (ભાજપ નેતા)
- લાકડી-દંડાથી માર મરાયો. શરીર પર 12થી વધુ જગ્યાઓ પર ઇજાના નિશાન મળ્યા.

6. હરિઓમ મિશ્રાન (અજય મિશ્રાના ડ્રાઇવર)
- લાકડી-દંડાથી માર મરાયો. શરીર પર અનેક જગ્યાઓ પર ઇજાના નિશાન. મોત પહેલા આઘાત અને હેમરેજ.

7. શ્યામ સુંદર (ભાજપ કાર્યકર્તા)
- લાકડી-દંડાથી માર મરાયો. ઢસડાવાથી 12થી વધુ ઇજા આવી.

8. રમન કશ્યપ (સ્થાનિક પત્રકાર)
- શરીર પર ઇજાના ગંભીર નિશાન. આઘાત અને હેમરેજથી મોત થયું.