અટકાયત બાદ ગેસ્ટ હાઉસના રુમમાં પ્રિયંકા કચરો વાળતા જોવા મળી રહ્યા છે.
પ્રિયંકા ગાંધીની પોલીસે સોમવારે સવારે 5 વાગે અટકાયત કરી
પ્રિયંકાને સીતાપુરના એક ગેસ્ટ હાઉસમાં રાખવામાં આવ્યા
ગેસ્ટ હાઉસના રુમમાં પ્રિયંકા કચરો વાળતા જોવા મળ્યા
પ્રિયંકાને સીતાપુરના એક ગેસ્ટ હાઉસમાં રાખવામાં આવ્યા
યુપીના લખીમપુર ખીરીમાં ભડકેલી હિંસાના પીડિતોને મળવા પહોંચેલી પ્રિયંકા ગાંધીની પોલીસે સોમવારે સવારે 5 વાગે અટકાયત કરી હતી. પ્રિયંકા લખીમપુર પહોંચી ગઈ હતી. પરંતુ તેમને હરગામમાં જ પોલીસે રોકી અટકાયત કરી લીધી હતી અને પીડિયોને મળવા દીધા નહોંતા. પ્રિયંકાને સીતાપુરના એક ગેસ્ટ હાઉસમાં રાખવામાં આવ્યા છે.
ગેસ્ટ હાઉસના રુમમાં પ્રિયંકા કચરો વાળતા જોવા મળ્યા
પ્રિયંકા ગાંધીને પોલીસે જે ગેસ્ટ હાઉસમાં રાખ્યા છે. ત્યાંથી તેમનો એક વીડિયો સામે આવ્યો છે. આ વીડિયોમાં પ્રિયંકા રુમમાં કચરો વાળતા જોવા મળી રહ્યા છે. લગભગ 45 સેકન્ડના આ વીડિયોમાં દેખાઈ રહ્યું છે કે સમગ્ર રુમ ખાલી છે અને પ્રિયંકા કચરો કાઢી રહ્યા છે. પ્રિયંકાને પીએસીને 22મી બટાલિયનના ગેસ્ટ હાઉસમાં રાખવામાં આવ્યા છે.
રાહુલ ગાંધીએ કહ્યું પ્રિયંકા એ લોકો તારાથી ડરી ગયા
પ્રિયંકા ગાંધીની અટકાયત બાદ તેમના ભાઈ અને કોંગ્રેસ સાંસદ રાહુલ ગાંધીએ ટ્વીટ કરી. જેમાં તેમણે લખ્યું. પ્રિયંકા હું જાણું છું કે તુ પીછે હટ નહીં કરે. તારી હિંમતથી તેઓ ડરી ગયા.
આ પહેલા રાહુલ ગાંધીએ લખીમપુર ખીરીમાં થયેલી હિંસાને લઈને સરકારને ઘેર્યા હતા. તેમણે ટ્વીટ કર્યુ હતુ કે જે આ અમાનવીય નરસંહારને જોઈને પણ ચૂપ છે. તે પહેલા જ મરી ચૂક્યા છે. પરંતુ આ બલિદાનને બેકાર નહીં જવા દે. ખેડૂત સત્યાગ્રહ જિંદાબાદ.
આ પહેલા તેમની બોલાચાલીનો વીડિયો થયો વાયરલ
ઉલ્લેખનીય છે કે લખીમપુર ખીરીના ક્ષેત્રમાં થયેલી હિંસામાં ખેડૂતો સહિત 8 લોકોના મોત થયા છે. આ બાદ સોમવારે સ્થળ પર જઈ રહેલા કોંગ્રેસના મહાસચિવ પ્રિયંકા ગાંધી વાડ્રાની રસ્તામાં સીતાપુરમાં અટકાયત કરાઈ જેમાં તેમની યુપી પોલીસ સાથે આકરી બોલાચાલી થઈ છે. જેનો વીડિયો પણ સામે આવ્યો છે. જેમાં પોલીસ મહિલા કર્મીઓ તેમને જબરજસ્તી પોલીસ વેનમાં બેસાડવાનો પ્રયાસ કરી રહી રહી છે.