પોલીસ મથકના PI જે.બી ચૌધરી સામે પીડિતાની ફરિયાદ ન નોંધી ગેરકાયદેસર વર્તન બદલનો ગુનો નોંધવા માટે કોર્ટનો આદેશ
બનાસકાંઠામાં લાખણી કોર્ટે દુષ્કર્મની ફરિયાદમાં બેદરકારી દાખવવા બદલ બે PI સામે ગુનો નોંધવા માટે આદેશ કર્યો હોવાનું સામે આવ્યું છે. લાખણી કોર્ટ દ્વારા ડીસા સીટી દક્ષિણ પોલીસ મથકના PI બી વી પટેલ અને થરાદ પોલીસ મથકના PI જે.બી ચૌધરી સામે પીડિતાની ફરિયાદ ન નોંધી ગેરકાયદેસર વર્તન બદલનો ગુનો નોંધવા માટે કોર્ટનો આદેશ કરવામાં આવ્યો છે. સાથે જ બંને PIને આગામી ૮ ફેબ્રુઆરીના રોજ કોર્ટમાં હાજર રહેવા માટે પણ સમન્સ પાઠવ્યું છે.
બનાસકાંઠાના લાખણી તાલુકાના એક ગામની સગીર યુવતી પર બે વર્ષ અગાઉ એક યુવકે તેનું અપહરણ કરીને દુષ્કર્મ આચર્યું હોવાની ઘટના બની હતી. જે ઘટનામાં પોલીસે સગીરાની ફરિયાદના આધારે કોઈ જ કાર્યવાહી કરી ન હતી. જેને લઈને સગીરાએ દિયોદર કોર્ટમાં અરજી કરી હતી. આથી પોલીસે દિયોદર કોર્ટના આદેશના કારણે આરોપીઓની અટકાયત કરીને માત્ર સંતોષ માન્યો હતો.
પંરતુ કોઈ જ કાર્યવાહી કરી ન હતી. જેને લઈને સગીરાએ લાખણી કોર્ટમાં તમામ પોલીસ અધિકારીઓ સામે ફરિયાદ કરી હતી. આથી લાખણી કોર્ટે બંને PI સામે ગુનો નોંધવા આદેશ કર્યો છે.