વિવાદ / સુનિતા યાદવનો વધુ એક વીડિયો વાયરલ : કહ્યું હું એકલી 80ને ભારે પડું, મંત્રીના દીકરાને કહ્યાં અપશબ્દો

• સુરતની LR સુનિતા યાદવનો વધુ એક વીડિયો સામે આવ્યો
• રાજસ્થાનના જેસલમેરથી વીડિયો કર્યો છે વાયરલ
• સુરતમાં કુમાર કાનાણીના પુત્ર સાથે રકઝક બાદ ચાલે છે વિવાદ

સુરતમાં કુમાર કાનાણીના પુત્ર સાથે રકઝક બાદ વિવાદ લાંબો થયો હતો. ત્યારે સુનિતાએ વધુ એક વીડિયો વાયરલ કર્યો છે. રાજસ્થાનના જેસલમેરથી સુનિતા યાદવનો વીડિયો વાયરલ થયો છે. આ વીડિયોમાં સુનિતા યાદવ કોઇ યુવતિને મદદ કરવા માટે અપીલ કરી રહી છે. બાદમાં કહે છે કે, મારી સાથે ઘટના બની હતી ત્યારે 6,7 જ લોકો હતા પરંતુ જો ત્યાં 70-80 લોકો હોત તો પણ તેનો સામનો કરી શકતી હતી. પરંતુ ત્યારે મે યુનિફોર્મ પહેર્યો હતો એટલે હું કંઇ ના કરી શકી.

સુનિતાએ ધમકીની ભાષામાં કાનાણીને મેસેજ મોકલ્યો હતો અને કહ્યું કે, તેમના પુત્રએ દારૂની ઓફર કરી હતી અને જો તે દિવસે તે પોલીસના કપડામાં ન હોત તો તેના પગ ભાગી નાંખતી. આ ઉપરાંત સુનિતાએ પ્રધાનમંત્રીની પણ મદદ માગી છે અને કહ્યું કે આ કેસમાં તમામ સબૂત સામે છે તો ન્યાયમાં કેમ વાર લાગી રહી છે.

અત્રે ઉલ્લેખનીય છે કે, સુરતમાં LR સુનિતા યાદવ અને કુમાર કાનાણીના દીકરા પ્રકાશ કાનાણી વચ્ચેના બબાલના વીડિયો બાદ સમગ્ર વિવાદ વકર્યો હતો. પ્રકાશ કાનાણીના મિત્રની ગાડી રોકડા તેને બચાવવા માટે જતા મહિલા LR સુનિતા યાદવ સાથે રકઝક થઇ હતી. જોકે આ અંગે પોલીસ ફરિયાદ પણ થઇ હતી. જોકે પ્રકાશ કાનાણી અને તેમના મિત્રોનો જામીન પર છુટકારો થયો હતો.