હૉલીવૂડની જાણીતી સિંગર અને એક્ટ્રેસ લેડી ગાગાએ રવિવારે પોતાના એક ટ્વીટથી ઇન્ટરનેટ પર ખળભળાટ મચાવી દીધો છે. લેડી ગાગાએ પોતાના ટ્વીટર એકાઉન્ટ પર એક સંસ્કૃત શ્લોકની પોસ્ટ કરી, જેને વાંચીને ભારતીય યૂઝર્સ ખુશ થઈ ગયા હતા.
હૉલીવૂડની જાણીતી સિંગર લેડી ગાગાએ સંસ્કૃત શ્લોકની કરી ટ્વીટર પોસ્ટ
ઇન્ટરનેટ પર મચ્યો ખળભળાટ
ભારત સહિતના લોકોએ ટ્વીટને કરી પસંદ
જો કે, તેની આ ટ્વીટના કારણે દુનિયાનાં બાકીનાં લોકો કન્ફ્યૂઝ થઈ ગયા. લેડી ગાગાએ પોતાના ટ્વીટમાં લખ્યું કે, ‘लोकाः समस्ताः सुखिनोभवंतु’. જ્યારથી આ ટ્વીટ કરવામાં આવ્યું છે કે લોકો આનો મતલબ અને તેની પાછળ છૂપાયેલા સંદેશને સર્ચ કરી રહ્યા છે.
21 હજારથી વધુ લોકોએ ટ્વીટને કરી રિટ્વીટ
અત્યાર સુધીમાં 84 હજારથી વધું લોકો આ ટ્વીટને લાઇક કરી ચૂક્યા છે અને 21 હજારથી વધુ લોકોએ તેને રિટ્વીટ કરી ચૂક્યા છે. ખાસ કરીને ભારતીય ટ્વીટર યુઝર્સે લેડી ગાગાની આ ટ્વીટને વધુ પસંદ કરી છે. નોંધનીય છે કે, લેડી ગાગા યુવાનોમાં વધુ પ્રિય છે. તેણીના ગીતો પર લાખો યુવાધન હિલોળે ચડે છે.
આપને જણાવી દઇએ કે, ‘लोकाः समस्ताः सुखिनोभवंतु’ સંસ્કૃતનાં લોકપ્રિય મંત્રનાં કટેલાક શબ્દ છે, જે દુનિયામાં પ્રેમ અને ખુશીઓની ભાવના ફેલાવવા માટે બનેલા છે. આ શ્લોકનો અર્થ છે કે, ‘દુનિયામાં તમામ જગ્યાએ, તમામ લોકો ખુશ અને સ્વતંત્ર રહે અને મારા જીવનનાં વિચાર, શબ્દ અને કાર્ય કોઈ પણ રીતે એ ખુશી અને એ સ્વતંત્રતામાં યોગદાન આપે.’
અત્રે જણાવી દઈએ કે તાજેતરમાં જ લાસ વેગાસની એક કોન્સર્ટમાં લેડી ગાગા સ્ટેજ પરથી પડવાના સમાચાર આવ્યા હતા. લેડી ગાગા તેના એક ચાહક સાથે સ્ટેજ પર ડાન્સ કરતી હતી, ત્યારે પંખો લપસી પડ્યો અને પડી ગયો અને લેડી ગાગાને પણ સાથે લઈ ગયો. જોકે, બંનેને ઈજા પહોંચી ન હતી.
લેડી ગાગાના આ ટ્વીટને લઇને ઘણા લોકો કંફ્યૂઝ થયા તો કેટલાક લોકોએ આનું સ્વાગત કર્યું અને પોતાની ખુશી વ્યક્ત કરી. તમામ પ્રકારનાં લોકો લેડી ગાગાનાં આ ટ્વિટનો જવાબ આપી રહ્યા છે.