દિલ્હી નગર નિગમ MCDની ચૂંટણીમાં ભાજપ, કોંગ્રેસ સહિત આમ આદમી પાર્ટીની વચ્ચે આરોપોનો ટ્રેન્ડ ચાલી રહ્યો છે. એક મહિલાએ કેજરીવાલ પર મફલર ન પહેરવા પર પ્રશ્ન પૂછ્યો અને કેજરીવાલે જાણો શું કહ્યું.
MCD ચૂંટણીનાં પ્રચારમાં કેજરીવાલ
મહિલાએ પૂછ્યું, તમે મફલર નથી પહેર્યું
ઉમેદવારો સહિત હસી પડ્યાં ખુદ કેજરીવાલ
દિલ્હી નગર નિગમ MCDમાં તમામ પક્ષો એકબીજાં પર આરોપો લગાવી રહ્યાં છે. રાજનૈતિક પાર્ટીઓ વચ્ચે જોરદાર પલટજવાબો ચાલી રહ્યાં છે. તો આ તમામની વચ્ચે આપનાં ઉમેદવારો અને વોટરોને હસવાનો એક મોકો મળી ગયો. મહિલાનાં એક સવાલ પર દિલ્હી કેજરીવાલ પણ હસી પડ્યાં.
ચૂંટણીનાં પ્રચારમાં અરવિંદ કેજરીવાલ
સીએમ અરવિંદ કેજરીવાલ આપનાં ઉમેદવારોનાં સમર્થનમાં દિલ્હીની ગલીઓમાં ચૂંટણીનો પ્રચાર-પ્રસાર કરી રહ્યાં છે. પ્રચાર દરમિયાન દિલ્હીની જનતા કેજરીવાલની સાથે સેલ્ફી લેવામાં લાગી ગઇ હતી. ચૂંટણી પ્રચારમાં એક મહિલાએ પૂછ્યું કે તમે મફલર નથી પહેર્યો. આ સવાલ સાંભળતા કેજરીવાલ સહિત તમામ લોકો હસી પડ્યાં હતાં.
કેજરીવાલે હસતાં-હસતાં આપ્યો જવાબ
મહિલાએ જ્યારે પૂછ્યું કે તમે મફલર નથી પહેર્યો. ત્યારે હસતાં-હસતાં કેજરીવાલે કહ્યું કે હજી એટલો શિયાળો આવ્યો નથી. ત્યારબાદ કેજરીવાલે તેમની સાથે સેલ્ફી પણ ક્લિક કરી હતી.
કેજરીવાલે અન્ય પક્ષો પર સાધ્યાં નિશાન
વિભિન્ન વોર્ડોનાં પ્રચારમાં ઊતરેલા કેજરીવાલે ભાજપની કેન્દ્ર સરકાર પર પ્રહારો કર્યાં હતા. કહ્યું કે જ્યારે તેમણે પહેલી ચૂંટણી લડી હતી ત્યારે તે અહીં આવ્યાં હતા ત્યારે લોકો ડબ્બો લઇને પાણી ભરવા જતાં હતાં પરંતુ મેં વાયદો કર્યો હતો કે આપની સરકાર બનતાની સાથે જ પાણી લઇને આવીશ. કેજરીવાલે દાવો કર્યો કે દિલ્હીમાં આપની સરકાર બનતાની સાથે જ પાણી અપાવ્યું, સરકારી સ્કૂલો, ફ્રી વિજળી વગેરે સુવિધાઓથી લોકો ખુબ ખુશ છે.
ભાજપ પર પ્રહાર કર્યો કેજરીવાલે
કેજરીવાલે કહ્યું કે બીજેપીનાં સાત-સાત મુખ્યમંત્રી એક ડેપ્યુટી સીએમ અને 17 કેન્દ્રીય મંત્રી પ્રચાર-પ્રસાર કરવમાં લાગ્યા છે. જો કે એમસીડીની ચૂંટણીમાં હું એકલો ફરી રહ્યો છું. કેજરીવાલનું કહેવું છે કે દુનિયાની સૌથી મોટી પાર્ટીની દુકાનો દિલ્હીવાળાએ બંધ કરી દીધેલ છે.