વિવાદ / સીમા વિવાદ વચ્ચે ચીનનું ફરી ઉંબાડીયું, કહ્યું- ભારતે આ કામ તો ગેરકાયદેસર રીતે કર્યું છે

• સીમા વિવાદ વચ્ચે ચીનનું મોટું નિવેદન
• ચીન લદ્દાખને કેન્દ્ર શાસિત પ્રદેશ તરીકે માન્યતા આપતો નથી
• અરૂણાચલ પ્રદેશની ગેરકાયદેસર રીતે કરાઇ સ્થાપના 

ચીને એમ પણ કહ્યું છે કે તે આ ક્ષેત્રમાં માળખાગત નિર્માણનો વિરોધ કરે છે. આ સાથે ચીનના વિદેશ મંત્રાલયના પ્રવક્તા ઝાઓ લિજિયા(Zhao Lijian)ને કહ્યું છે કે સરહદ પર માળખાગત વિકાસ એ બંને પક્ષો વચ્ચે તણાવનું મુખ્ય કારણ છે. તેમણે કહ્યું કે બંને પક્ષે આવી કાર્યવાહી ન કરવી જોઇએ જેનાથી તણાવ વધે છે.

ચીન લદ્દાખને કેન્દ્ર શાસિત પ્રદેશ તરીકે માન્યતા આપતો નથી

ઝાઓએ લદાખ ક્ષેત્ર અને અરુણાચલ પ્રદેશમાં આઠ-આઠ પુલ શરૂ કરવા ભારત વતી આ જવાબ આપ્યો હતો. ચીનના પ્રવક્તાએ કહ્યું, 'સૌ પ્રથમ, હું સ્પષ્ટ કરવા માંગું છું કે ચીન લદ્દાખને કેન્દ્ર શાસિત પ્રદેશ તરીકે માન્યતા આપતો નથી. 

અરૂણાચલ પ્રદેશની ગેરકાયદેસર રીતે તેની સ્થાપના કરી 

તેમણે વધુમાં જણાવ્યું હતું કે, ભારતે અરૂણાચલ પ્રદેશની ગેરકાયદેસર રીતે તેની સ્થાપના કરી છે. અમે સૈન્ય હેતુ માટે સરહદ પરના ઇન્ફ્રાસ્ટ્રક્ચરના વિકાસની વિરુદ્ધ છીએ. તેમણે કહ્યું કે સર્વસંમતિના આધારે બંને પક્ષે સરહદની ફરતે આવું પગલું ભરવું જોઈએ નહીં કે તણાવ વધે. સ્થિતિને સામાન્ય બનાવવા માટે બંને પક્ષના પ્રયત્નોને નુકસાન થશે.તેમણે એમ પણ કહ્યું હતું કે ભારતીય પક્ષ સરહદ પરના ઇન્ફ્રાસ્ટ્રક્ચરમાં વધારો કરવા સાથે સૈન્ય તૈનાત કરી રહ્યું છે અને આ બંને પક્ષો વચ્ચે વધી રહેલા તણાવનું મૂળ કારણ છે.