ભારત અને ચીન વચ્ચે મે મહિનાની શરૂઆતથી વાસ્તવિક નિયંત્રણ રેખા(LAC) પર તણાવ ચાલી રહ્યો છે. તેવામાં ઘર્ષણને ઓછો કરવા માટે પૂર્વી લદ્દાખ સેક્ટરમાં 12 ઓક્ટોબરે કોર કમાન્ડર-સ્તરીય બેઠક યોજાશે.
ભારત-ચીન વચ્ચે ઘર્ષણ વચ્ચે વધુ એક વખત થશે ચર્ચા
12 ઓક્ટોબરે થશે કોર કમાન્ડર-સ્તરીય બેઠક
બન્ને પક્ષ છ વખત કોર કમાન્ડર સ્તરની વાતચીત થઇ ચૂકી છે
અત્યાર સુધીમાં બન્ને પક્ષો વચ્ચે છ રાઉન્ડની કોર કમાન્ડર-સ્તરીય બેઠક થઇ ચૂકી છે. ત્યારે ફરી એક વખત 12 ઓક્ટોબરે બન્ને દેશ વચ્ચે કોર કમાન્ડર સ્તરની વાતચીત થવા જઇ રહી છે. આ માહિતી ભારતીય સેનાના સ્રોતે આપી છે.
સૂત્રોએ જણાવ્યું છે કે, ભારત-ચીન વચ્ચે 12 ઓક્ટોબરે થનારી કોર કમાન્ડર સ્તરની વાતચીત પૂર્વી લદ્દાખ સેક્ટરમાં થશે, જેમાં બન્ને દેશોની સેનાઓ વચ્ચે ચાલી રહેલા તણાવને ઓછો કરવા પર ચર્ચા થશે. અત્યાર સુધીમાં બન્ને પક્ષ છ વખત કોર કમાન્ડર સ્તરની વાતચીત થઇ ચૂકી છે અને આ બેઠક સાતમી હશે.
India and China to hold Corps Commander-level talks on October 12 in Eastern Ladakh sector to address the ongoing military standoff between the two countries. So far, The two sides have held six rounds of Corps Commander-level talks: Indian Army Sources
ભારત-ચીનમાં છેલ્લી વખત કોર કમાન્ડર સ્તરની બેઠક 21 સપ્ટેમ્બરે થઇ હતી, જેમાં કેટલીક વાતો પર સહમતિ બની હતી. આ બેઠક 13 કલાક સુધી ચાલી હતી. બેઠકમાં પહેલી વખત વિદેશ મંત્રાલયના સંયુક્ત સચિવ સ્તરના અધિકારી સામેલ થયા હતા.
પૂર્વ લદ્દાખની ગલવાન ઘાટીમાં 15 જૂને ચીની સૈનિકોની સાથે અથડામણમાં 20 ભારતીય સૈનિકો શહીદ થયા બાદ LAC પર તણાવ ઘણો વધી ગયો હતો. આ અથડામણમાં ચીની પક્ષના જવાન પણ માર્યા ગયા હતા પરંતુ ચીને આ વખતે વધુ માહિતી જાહેર કરી નહોતી. આ પહેલા, રાષ્ટ્રીય સુરક્ષા સલાહકાર(NSA) અજીત ડોભાલ અને ચીફ ઓફ ડિફેન્સ સ્ટાફ જનરલ બિપિન રાવત વચ્ચે પણ હાઈ લેવલની બેઠક થઇ હતી, જેમાં ચીન સાથે વાતચીત દરમિયાન ઉઠાવવામાં આવેલા એજન્ડા અને મુદ્દાઓ પર ચર્ચા કરવામાં આવી હતી.