ગઈકાલે સંસદમાં રક્ષામંત્રી રાજનાથ સિંહે આપેલા નિવેદન બાદ ચીનને મરચા લાગ્યા છે, સરહદ પર માર ખાઈ જતું ડ્રેગન હવે પોકળ ધમકીઓ આપી રહ્યું છે કે જો ભારત પાંચ સૂત્ર સમજૂતીને નહીં માને તો ચીની સેના તૈયાર છે.
લદાખમાં તણાવ વચ્ચે સરકારી અખબારના માધ્યમથી ધમકી આપી રહ્યું છે ચીન
ગ્લોબલ ટાઈમ્સે કહ્યું કે ભારત પાંચ સૂત્ર સમજૂતીને નહીં માને તો ચીની સેના તૈયાર
ચીની સેના ભારતીય ટેન્કોનો ખાત્મો કરવાના અભ્યાસ કરી રહી છે : ગ્લોબલ ટાઈમ્સના સંપાદક
ચીન શાંતિ અને યુદ્ધ માટે તૈયાર : ચીની સરકારી મીડિયા
ભારતના રક્ષામંત્રીએ સંસદમાં ચીનને જે સંદેશ આપ્યો તેનો અસર થઇ રહ્યો છે અને ચીન બેબાકળું બની ગયું છે, ચીને સરકારી અખબાર ગ્લોબલ ટાઈમ્સમાં ધમકીઓ આપી છે. નોંધનીય છે કે ગ્લોબલ ટાઈમ્સને સરકારનું મુખપત્ર માનવામાં આવે છે અને તેમાં છાપવામાં આવતી વાતોને સરકારની મનની વાત માનવામાં આવે છે, ત્યારે ગ્લોબલ ટાઈમ્સે આજે હેડીંગ આપ્યું છે કે ચીન શાંતિ અને યુદ્ધ માટે તૈયાર છે.
સેના તૈયાર હોવાની ધમકીઓ
સરહદ પર વિવાદ ચાલી રહ્યો છે ત્યારે ગ્લોબલ ટાઈમ્સના સંપાદકે કહ્યું છે કે ચીની સેના ભારતીય ટેંકનો ખાત્મો કરવા અભ્યાસ કરી રહી છે અને જો ભારતમાં મોસ્કોમાં વિદેશ મંત્રીઓની બેઠકમાં થયેલ પાંચ સૂત્ર સમજૂતીને લાગૂ નહીં કરે તો ચીની સેના ભારતને જડબાતોડ જવાબ આપવા તૈયાર છે.
રાજનાથ સિંહના નિવેદન બાદ હાંફવા લાગ્યું ડ્રેગન
લેખમાં લખવામાં આવ્યું છે કે વર્તમાન દિવસોમાં બોર્ડર પર ભારતીય સેનાની ગતિવિધિ ઓછી થઇ છે જે રાજનાથ સિંહના નિવેદનથી ખબર પડે છે. આ ચીનની સેનાના મજબૂત દબાણની અસર છે. જોકે આ લેખથી ચીન હાંફી ગયું હોય તે સાફ દેખાઈ આવે છે જેમાં ચીની સરકાર આમ મીડિયામાં લેખ છાપીને માત્રને માત્ર પ્રોપેગેન્ડા ચલાવી રહ્યું હોય તેમ દેખાઈ રહ્યું છે.
આ લેખના અંતમાં લખવામાં આવ્યું છે કે 'ચીને સરહદ વિવાદ પર શાંતિપૂર્ણ સમાધાન માટે પ્રયત્નો કરતા રહેવું હોઈ પણ પોતાની સેનાને તૈયાર પણ રાખવી જોઈએ.મજબૂત સૈન્ય દબાણ નહીં હોય તો ભારત વ્યવ્યાહાર નહીં કરે.'
અવારનવાર ચીન આપી રહ્યું છે પોકળ ધમકીઓ
જોકે આ કંઈ પહેલીવાર નથી, ચીન પોતાની સરકારી મીડિયામાં હવાલે કેટલીય વાર આવી ધમકીઓ આપતું રહ્યું છે પણ જ્યારે રણમેદાનમાં શૂરવીરતા દર્શાવવાનો સમય આવે ત્યારે ભારતનાં જાંબાઝ સૈનિકો એક-એક ચીની સૈનિકને ધૂળ ચટાડવા તૈયાર છે.