છોટા ઉદેપુર / આ ગુજરાત કોણે બનાવ્યું? રોડ કનેક્ટિવિટીના અભાવે પ્રસૂતાને ઝોળીમાં લઈ જવા મજબૂર, નસવાડીનું કુકરદા ગામ વિકાસથી વંચિત

• રોડ કનેક્ટિવિટીના અભાવે 108 એમ્બ્યુલન્સ ન પહોંચી શકી ગામમાં
• નસવાડીમાં હોસ્પિટલ પહોંચે તે પહેલા 108 એમ્બ્યુલન્સમાં થઇ પ્રસુતિ
• સગર્ભાને મુખ્ય રોડ સુધી ખાનગી વાહનમાં લઇ જવી પડી

છોટાઉદેપુર જિલ્લાના નસવાડી તાલુકાનો એક એવો ગામ કે, જે વિસ્તાર અવિકસિત છે અવિકસિત એટલે કે અહીં રોડ-રસ્તાનો સંપૂર્ણપણે અભાવ છે અહીં નાગરિકોને બિમાર વ્યક્તિને કે, સગર્ભાને હોસ્પિટલ લઈ જવો હોય તો તેમને ઉચકીને લઈ જવો પડે અને ત્યાર પછી અન્ય પ્રાઈવેટ વાહનમાં લઈ જઈ ત્યાર બાદ મુખ્ય રોડ મળે અને ત્યાંથી 108ની સેવાનો સાહરો મળી શકે. અહીં લોકો રોડ-રસ્તા વિના અનેક મુશ્કેલીઓનો સાહરે જીવન જીવી રહ્યાં છે. 

નસવાડીમાં આવેલા કુકરદા ગામની ઘટના
નસવાડીમાં આવેલા કુકરદા ગામના જુદા-જુદા વિસ્તારમાં પાકા રસ્તાથી કનેક્ટિવિટીના અભાવે એક સગર્ભાની તબિયત લથડતા આ ગામમાં 108 પહોંચી શકી નથી. ગ્રામજનોએ સગર્ભાને થોડા કિ.મી ઝોળીમાં ઉચકીને લઈ ગયા ત્યારબાદ પ્રાઈવેટ વાહનમાં મુખ્ય રોડ સુધી લઈ ગયા હતા અને ત્યારબાદ જ 108નો સાહરો મળ્યો હતો. જો કે, સારા સમાચાર કે, એ મહિલાને હેમખેમ પ્રસુતિ નસવાડીમાં હોસ્પિટલ પહોંચે તે પહેલા જ 108 એમ્બ્યુલન્સમાં થઇ ગઈ હતી.

પાકા રસ્તાથી કનેક્ટિવિટીના નામે ઝીરો
અહીં ગરીબ અને આદિવાસી લોકો વસવાટ કરે છે, તેમને તાલુકા મથકે કે, જિલ્લા મથકે અથવા ક્યાંય પણ બહાર જવાનું થાય તો અમુક કિલો મીટર તો ચાલવું જ પડે કારણે કે આ ગામમાં રોડ કનેક્ટિવિટી નામે ઝીરો કઈશું તો જરા પણ અતિશ્યોક્તિ નહીં કહેવાય. કારણે કે, એક વીડિયો સામે આવ્યો છે જેમાં સ્પષ્ટ પણ જોઈ શકાય છે કે, અહીં લોકો એક સગર્ભાને ઉંચકીને લઈ જઈ રહ્યાં છે ત્યારબાદ પણ સારો રસ્તા નથી એટલે તેઓ પ્રાઈવેટ વાહનમાં લઈ જાય છે અને ત્યાર બાદ 108ની સુવિધાનો લાભ લઈ શકે એટલે કે, તમે સમજી શકો છો કે, આ પરથી કહી શકાય કે, તંત્ર ફક્ત જાહેરાતોમાં જ સૂરા છે કામમાં કેટલા સૂરા છે તે આ બાબત પરથી જાણી શકાય છે.

આ છે વિકાસ?
આ ગામની રોડ કનેક્ટિવિટી સાથે સાથે તમને આરોગ્ય સેવાનો તો બિલકુલ ખ્યાલ આવી જ ગયો હશે કે, તાત્કાલિક હોસ્પિટલ પહોંચવા લોકોને કેટલી જહેમત ઉપાડવી પડે છે. અહીં ડુંગર વિસ્તારમાં 108 કે, અન્ય કોઈ વાહનો જઇ શકતા ન હોવાથી દર્દીઓની હાલત કફોડી બને છે. જો કે, કડવું છે પણ સત્ય છે ગુજરાતનો વિકાસ દુનિયાએ જોયો હોય પણ નસવાડીના કુકરદા ગામના લોકોએ જોયો નથી.