અમદાવાદમાં VTV દ્વારા ખાનગી બસોમાં ફાયર સેફ્ટીને લઈને રિયાલીટી ચેક કરવામાં આવ્યું. જેમા સામે આવ્યું કે શહેરમાં 80 ટકા બસો ફાયર સેફ્ટી વગર દોડી રહી છે.
અમદાવાદમાં VTV દ્વરા ખાનગી બસોનું રિયાલીટી ચેક
80 ટકા ખાનગી બસોમાં ફાયર સેફ્ટીનો અભાવ
માત્ર 20 ટકા બસોમાં જોવા મળી ફાયર સેફ્ટી
VTV દ્વારા અમદાવાદમાં ખાનગી બસોમાં ફાયર સેફ્ટી લઈને રિયાલીટી ચેક કરવામાં આવ્યું. જેમા ચોંકાવનારો સર્વે સામે આવ્યો છે. અમદાવાદની મોટા ભાગની બસોમાં ફાયર સેફ્ટીનો અભાવ છે. જેના કારણે મુસાફરોનો જીવ જોખમમાં મુકાઈ શકે છે. તાજેતરમાંજ સુરતમાં એક ખાનગી બસમાં આગ લાગી હતી. જેમા એક મહિલાનું કરૂણ મોત થયું હતું.
સુરત જેવી દુર્ઘટના બની તો જવાબદાર કોણ ?
ફાયર સેફ્ટી વગર જેટલી પણ બસો શહેરમાં દોડી રહી છે. તે બસોમાં સવારી કરતા મુસાફરોના જીવ જોખમમાં મુકાઈ શકે છે. વીટીવી દ્વારા જ્યારે ખાનગી બસોનું રિયાલીટી ચેક કરવામાં આવ્યું ત્યારે મોટા ભાગની ખાનગી બસોમાં ફાયર સેફ્ટીનો અભાવ જોવા મળ્યો હતો. જેથી હવે સવાલ એ થઈ રહ્યો છે કે ફરીથી સુરત જેવી દુર્ઘટના બને તો તેના માટે કોણ જવાબદાર રહેશે.
80 ટકા બસોમાં ફાયર સેફ્ટીનો અભાવ
અમદાવાદ જેવા મોટા શહેરોમાં દોડતી બસોમાં મુસાફરો પણ મોટી સંખ્યામાં સવારી કરતા હોય છે. વીટીવી દ્વારા જ્યારે રિયાલીટી ચેક કરવામાં આવ્યું ત્યારે 80 ટકા જેટલી બસોમાં ફાયર સેફ્ટીનો અભાવ જોવા મળ્યો હતો. જોકે 20 ટકા જેટલી બસો એવી પણ છે કે જેમા ફાયર સેફ્ટી રાખવામાં આવેલી છે.
મુસાફરોએ સાવચેતી રાખવી જરૂરી
મુસાફરોના હિતમાં દરેક મુસાફરોના હિતમાં દરેક ટ્રાવેલર્સ સંચાલકોએ પોતાની બસોમાં ફાયર સેફ્ટીને લઇને યોગ્ય વ્યવસ્થા કરે તે જરૂરી છે અને તંત્ર દ્વારા પણ તે દિશામાં યોગ્ય કામગીરી થાય તે જરૂરી છે. ત્યારે VTVએ પણ એક જાગૃત માધ્યમ હોવાની પોતાની ફરજ અદા કરી છે અને મુસાફરોના હિતમાં પ્રવર્તમાન સ્થિતિનું રિયાલિટી ચેક કર્યું છે તો આવો જોઇએ કે મુસાફરોએ મુસાફરી દરમિયાન બસની ફાયર સેફટીને લઇને શું સાવચેતી રાખવી જોઇએ.
અમુક બસોમાં પુરતી વ્યવસ્થા જોવા મળી
ઉલ્લેખનીય છે કે આ રિયાલીટી ચેકમાં ફાયર સેફ્ટી માટે એક્ઝિટ ગેટ, ઈમરજન્સી ગેટની વ્યવ્સ્થા અમુક બસોમાં જોવા મળી હતી. સાથેજ ફાયર સેફ્ટીના સાધન અને હમર એટલે કે કાચ તોડીને બહાર નીકળી શકાય તે પ્રકારની વ્યવસ્થા પણ જોવા મળી હતી. જે ઘણી સારી બાબત છે. પરંતુ ચિંતાનો પ્રશ્ન છે કે 80 ટકા જેટલી ખાનગી બસોમાં ફાયર સેફ્ટીનો અભાવ છે જેના કારણે મુસાફરોનો જીવ જોખમમાં મુકાઈ શકે છે.