હબ / વિશ્વમાં સુરતની બોલબાલા: લેબગ્રોન ડાયમંડ બન્યા નવી ઓળખ, 5 વર્ષમાં ઐતિહાસિક 600 ટકા ગ્રોથ કર્યો

• લેબગ્રોન ડાયમંડ બન્યા સુરતની નવી ઓળખ 
• 5 વર્ષમાં 600 ટકા ગ્રોથ 
• વિશ્વમાં સુરતની બોલબાલા 

ડાયમંડ માટે સુરત વિશ્વમાં તો પ્રખ્યાત છે. જ પણ હવે લેબગ્રોન ડાયમંડમાંથી બનતી જ્વેલરીની માગ પણ વિશ્વભરમાં વધી રહી છે.. એટલું જ નહીં હવે લોકોમાં એસેસરિઝમાં પણ લેબગ્રોન ડાયમંડની ક્રેઝ વધી રહ્યો છે.સુરતના લેબગ્રોન ડાયમંડના વેપારી અને જ્વેલર્સ હવે લકસરિયસ એસેસરિઝનું ઉત્પાદન કરી રહ્યા છે. જેની વિશ્વભરમાં માગ વધી છે..   

મોબાઈલ કવર, ઘડિયાળ કવરમાં ડાયમંડ
લેબગ્રોન ડાયમંડમાંથી મોબાઈલના કવર બનાવવામાં આવે છે જેમાં ગોલ્ડ અને લેબગ્રોન ડાયમંડની બોડી, ઘડિયાળના કવર, ચશ્માનું ઉત્પાદન કરવામાં આવી રહ્યું છે.. ફોનના કવર પોણા બે લાખથી અઢી લાખ સુધીમાં તૈયાર થાય છે. જેમાં 1 હજાર લેબગ્રોન ડાયમંડનો ઉપયોગ થાય છે.. જોકે નેચરલ ડાયમંડમાં આટલા જ હીરા સાથે મોબાઈલનું કવર બનાવવામાં આવે તો 8થી 10 લાખ સુધીનો ખર્ચ થાય છે.. જેથી બજારમાં લેબગ્રોન ડાયમંડની ડિમાન્ડ વધી છે.લેબગ્રોન ડાયમંડમાંથી બનતી એસેસરિઝ હાલ માત્ર સુરતમાં જ બની રહી છે.. જેને વિદેશમાં એક્સપોર્ટ કરવામાં આવે છે. સાથે જ ડોમેસ્ટિક માકેાટમાં સાઉથના રાજ્ય અને મુંબઈ તેમજ રાજસ્થાન સુધી મોકલવામાં આવે છે.. વેપારીઓના મતે મોટાભાગની એસેસરિઝ અમેરિકામાં એક્સપોર્ટ કરવામાં આવે છે. જેથી વિદેશમાં પણ લેબગ્રોન ડાયમંડની ડિમાન્ડ વધી છે..

5 વર્ષમાં એક્સપોર્ટમાં 600 ટકા ગ્રોથ વર્ષ લેબગ્રોન ડાયમંડનું એક્સપોર્ટ 

• 2017-18 1404 કરોડ 
• 2018-19 1459 કરોડ 
• 2019-20 2399 કરોડ 
• 2020-21 4136 કરોડ 
• 2021-22 8503 કરોડ 

આ આંકડાઓ પરથી કહી શકાય કે સુરતમાં લેબગ્રોન ડાયમંડના પ્રોડક્શનમાં આગામી 1 વર્ષમાં 900 ટકાનો વધારો થશે. હાલ શહેરમાં 2500 મશીન ચાલી રહ્યા છે. જે આગામી વર્ષમાં 5 હજાર પર પહોંચી શકે છે.   

લેબગ્રોન ડાયમંડની એસેસરિઝની માગ
રિયલ ડાયમન્ડ ખાણમાંથી કાઢવામાં આવે છે જેના કારણે અનેક મુશ્કછે. પર્યાવરણને પણ નુકસાન થાય છે અને ઘણી વખત ખાણમાં કામ કરતા કામદારોનું શોષણ થવાની વાતો પણ સામે આવતી હોય છે. તેવા સંજોગોમાં અમેરિકા જેવા દેશોમાં જે જનરેશન ઝેડ તરીકે ઓળખાય છે તે યુવા વર્ગ રિયલ ડાયમંડ કરતાં પણ લેબગ્રોન ડાયમંડ ખરીદવો ખૂબ પસંદ કરી રહ્યા છે.   લેબગ્રોન ડાયમંડનો વેપાર આગામી 5 વર્ષમાં અકલ્પનિય રીતે વધી શકે છે.. જેથી ડાયમંડ માટે વધુ યુનિટો શરૂ થશે જેના કારણે રોજગારીની નવી તકો પણ ઉભી થશે.. લેબગ્રોન ડાયમંડના ઉદ્યોગને પ્રોત્સાહન આપવા માટે પણ સરકાર વિચારણા કરી રહી છે. ત્યારે સુરતમાં લેબગ્રોન ડાયમંડ એક નવી સવાર લઈને આવે તો નવાઈ નહીં..