રાજ્યમાં લોકસભાની ચૂંટણીને હવે ગણતરીના દિવસો બાકી રહ્યા છે. એવામાં કુંવરજી બાવળિયાનો વીડિયો વાયરલ થયો છે, જેમાં બાવળિયાએ કહ્યું કે, વિધાનસભાની ચૂંટણીમાં તમે મને 45 ટકા મત આપ્યા. જો મત આપ્યો હોત તો તમારા ગામમાં વિકાસ થયો હતો. જોઇએ આ અહેવાલ.
રાજકોટના એક ગામમાં મંત્રી કુંવરજી બાવળિયાનો વીડિયો વાયરલ થયો છે. જેમાં સ્થાનિક લોકોએ બાવળિયા અને ભરત બોઘરાનો ઉધડો લીધો છે. કુંવરજી બાવળિયા સાથે ભરત બોઘરા પણ હાજર હતા. તે સમયે સ્થાનિકોએ પાણી મામલે બાવળિયાનો વિરોધ નોંધાવ્યો છે.
આ વીડિયો જસદણના કનેસરા ગામનો હોવાની શક્યતા છે. જ્યાં ગ્રામજનોએ બાવળિયાનો ઉધડો લેતા બાવળિયાએ કહ્યું કે, વિધાનસભાની ચૂંટણીમાં તમે મને 45 ટકા મત આપ્યા. જો મત આપ્યો હોત તો તમારા ગામમાં વિકાસ થયો હતો. તો બોઘરાએ જણાવ્યું કે, તમારા ગામની ખટપટના કારણે વિકાસ નથી થતો. મહત્વનું છે કે લોકસભા ચૂંટણી પહેલા ગ્રામજનોએ કુંવરજી બાવળિયાનો વિરોધ નોંધાવ્યો હતો.