કચ્છઃ ભોજનમાં ઝેર ભેળવીને પત્નીએ કર્યો પતિ-પુત્રની હત્યાનો પ્રયાસ

કચ્છઃ અંજારમાં ઘરકંકાશમાં પરિવારજનોની હત્યાનો પ્રયાસ કરવામાં આવ્યો હતો. ભોજનમાં ઝેરી દવા ભેળવીને પતિ-પુત્રની હત્યાનો પ્રયાસ કરવામાં આવ્યો હતો. ઘરકંકાશથી ત્રાસીને ગૃહિણીએ પતિ અને પુત્રને ઝેર આપ્યુ છે.

ઝેરી દવાની અસરગ્રસ્ત પતિ અને પુત્રને હોસ્પિટલ ખસેડવામાં આવ્યા છે. પોલીસે આરોપી મહિલાની અટકાયત બાદ કાર્યવાહી હાથધરી છે.

મહત્વનું છે કે સમગ્ર ઘટના ઘરકંકાશમાં બની હોવાનું પ્રાથમિક તપાસમાં સામે આવ્યું છે. પોલીસે ઘટનાસ્થળે પહોંચી સમગ્ર ઘટના પર તપાસ હાથ ધરી હતી. આ ઘટના બાદ પતિ-પુત્રને સારવાર અપાઇ હતી. જ્યારે આરોપી મહિલાની પોલીસ દ્વારા ધરપકડ કરવામાં આવી હતી.