દિવાળીના મીની વેકેશનમાં ક્ચ્છ જિલ્લામાં પ્રવાસીઓ વેકેશન માણવા પહોંચી રહ્યાં છે. રજાઓના સમયગાળામાં હજારો મુલાકાતીઓ કચ્છનાં રમણીય સ્થાનોની મુલાકાત લઈ રહ્યાં છે. દેશ અને દુનિયાના પ્રવાસીઓ સફેદ રણને જોવા ઉમટી રહ્યાં છે.
કચ્છ નહીં દેખા તો કુછ નહીં દેખા
કચ્છમાં પ્રવાસીઓનો ધસારો
વિદેશી પ્રવાસીઓ લઇ રહ્યાં છે મુલાકાત
કચ્છ નહીં દેખા તો કુછ નહીં દેખા
દિવાળીમાં પડેલા વેકેશનમાં રજાઓના સમયગાળામાં હજારો મુલાકાતીઓ કચ્છના સફેદ રણને જોવા ઉમટી રહ્યાં છે. જેમાં દેશ અને દુનિયાના પ્રવાસીઓ કચ્છના રણણીય સ્થાનોની મુલાકાત લઇ રહ્યાં છે. કુદરતી સૌંદર્ય અને સમીસાંજનો ઢળતો સૂરજ નિહાળવાનો લ્હાવો અચૂકથી લે છે.
કચ્છમાં પ્રવાસીઓનો ધસારો
કચ્છનું સફેદ રણ હવે એક પ્રસિદ્ધ નામ બની ગયું છે. રણોત્સવના પ્રારંભ થયા બાદ કચ્છ દુનિયામાં સફેદ રણના નામે પ્રખ્યાત બન્યું છે. જ્યાં દેશ-વિદેશના પ્રવાસીઓ સફેદ રણને નિહાળવા તેમજ આહ્લાદક કુદરતી સૌંદર્યને નિહાળવા આવે છે. જો કે હાલ દિવાળીનું વેકેશન પડતાંની સાથે પ્રવાસીઓનો ધસારો જોવા મળી રહ્યો છે. સફેદ રણને જોવા મોટી સંખ્યામાં લોકો ઉમટી રહ્યાં છે. એક નવેમ્બરથી રણોત્સવનો પ્રારંભ થઇ રહ્યો છે. જો કે હાલ રણમાં પાણી ભરાયેલા હોવા છતાં પણ બુકિંગ શરૂ થઇ ગયું છે.
કચ્છમાં જોવા લાયક અન્ય પર્યટન સ્થળ
કચ્છમાં સફેદ રણ ઉપરાંત અન્ય પર્યટન સ્થળ પણ છે. જેમાં ભુજીયો ડૂંગર, કાળો ડૂંગર, આઇના મહેલ, પ્રાગ મહેલ, મ્યુઝિયમ, હમીસર તળાવ, માંડવીમાં રમણીય દરિયા કિનોરા પણ અલૌકિક સુંદરતા ધરાવે છે. સરહદી લખપત તાલુકામાં માતા ના મઢ, નારાયણ સરોવર, કોટેશ્વર જેવા ધાર્મિક પવિત્ર સ્થાનો પણ છે.