કચ્છ: જિલ્લાના નખત્રાણા તાલુકા પંચાયતમાં ભંગાણ સર્જાયું છે. ભાજપ શાસિત તાલુકા પંચાયતમાં ભાજપના 2 સભ્યોએ રાજીનામું ધરી દેતા ભાજપની સંખ્યા 11 માંથી હવે 9 થઈ ગઈ છે. તાલુકા પંચાયતમાં વિકાસલક્ષી કામો ન થતા ભાજપના બે સભ્યોએ રાજીનામાં આપ્યા છે. ત્યારે તાલુકા પંચાયતમાં ભાજપ અને કોંગ્રેસની સભ્ય સંખ્યા હવે 9-9 થઈ છે.
આ મામલે મળતી જાણકારી અનુસાર કચ્છ જિલ્લાના નખત્રાણા તાલુકા પંચાયત હાલ ભાજપ શાસિત છે. જો કે આજરોજ ભાજપના જ 2 સભ્યોએ અચાનક રાજીનામાં ધરી દેતા ખળભળાટ મચી જવા પામ્યો હતો. આ ઘટનાને પગલે 11 બેઠકો ધરવાતી નખત્રાણા તાલુકા પંચાયત હવે 9 ની સંખ્યા ધરાવતી થઇ ગઇ હતી.
ઉલ્લેખનીય છે કે ભાજપ શાસિત તાલુકા પંચાયતમાંથી 2 સભ્યોએ રાજીનામું વિકાસલક્ષી કાર્યો ન થવાને કારણે આપ્યું હોવાનું સામે આવ્યું છે. આ ઘટનાને પગલે સ્થાનિક ભાજપમાં ખળભળાટ મચી જવા પામ્યો છે. 11માંથી 2 સભ્યોએ રાજીનામું ધરી દેતા ભાજપ અને કોંગ્રેસની સભ્ય સંખ્યા હવે 9-9 થઈ ગઇ છે.