...ને અચાનક દારૂ ભરેલી ટ્રક પલટી મારતા રોડ પર દારૂની રેલમછેલ જુઓ VIDEO

કચ્છ: ભચાઉના ચોપડવા ગામ પાસે દારૂ ભરેલી ટ્રકે પલટી મારી છે. પોલીસ ટ્રકની પાછળ પીછો કરી રહી હતી ત્યારે ટ્રક પલટી હતી.દારૂ ભરેલ ટ્રક પલટી મારતા રસ્તા પર દારૂની રેલમછેલ થઈ હતી.

આ ઘટના અંગને મળતી વિગત પ્રમાણે આજરોત કચ્છના ભચાઉ નજીકથી પસાર થતા હાઇ-વે પર રાજસ્થાન પાસિંગની એક ટ્રક પસાર થઇ રહી હતી. આ ટ્રકમાં દારૂ હોવાની વાત સ્થાનિક પોલીસને બાતમી મળતા પોલીસે ખાસ બંદોબસ્ત ગોઠવ્યો હતો અને આ ટ્રક રોડ પરથી પસાર થતા જ પોલીસે તેનો પીછો કર્યો હતો.
 

Gujarat: Truck carrying liquor cartons overturned in Kutch district's Bhachau pic.twitter.com/jkj9S5zksn

— ANI (@ANI) May 25 2018

અંતે ટ્રક ચાલકને આ મામલાની ગંધ આવી જતા તેણે ઓવર સ્પીડમાં ટ્રકને હંકારી હતી જેના પગલે આ રાજસ્થાન પાસિંગની આ ટ્રક પલટી મારી ગઇ હતી. જો કે આ ઘટનાની જાણ સ્થાનિક લોકોને થતા ટોળે-ટોળા દારૂ ચોરવા આવી પહોંચ્યા હતા. અને કેટલાક તો સફળ પણ રહ્યા હતા. અંતે પોલીસે આ મામલા બાદની ભીડને વિખેરવા માટે મહેનત કરવી પડી હતી. 

ઉલ્લેખનીય છે કે ગુજરાતમાં દારૂબંધી હોવા છતા રાજ્યમાં ઘણા લોકો દ્વારા ગેરકાયદેસર રીતે દારૂની હેરફેર કરવામાં આવતી હોય છે ત્યારે આજે વધુ એક ઘટના પ્રકાશમાં આવી હતી.અને જેમાં દારૂ ભરેલી એક ટ્રક ભચાઉના ચોપડવા નજીકથી પસાર થતા પલટી હતી જેમાંથી લાખોની કિંમતનો વિદેશી દારૂ મળી આવ્યો હતો જેને પગલે પોલીસે ગુનો નોંધીને આ દારૂ કોના કહેવાથી ગુજરાતમાં લાવવામાં આવ્યો હતો તે અંગેની તપાસ હાથ ધરી છે.